PARTIA KOMUNISTE E REPUBLIKËS POPULLORE TË KINËS DËNOI FUQISHËM SULMET E SHBA-ës NË VENEZUELË.

Pekin, Republika Popullore e Kinës | “Kina është thellësisht e tronditur dhe dënon fuqimisht përdorimin flagrant të forcës nga Shtetet e Bashkuara kundër një shteti sovran dhe sulmin e tyre ndaj presidentit të tij”.

Kështu deklaroi një zëdhënës i Ministrisë së Punëve të Jashtme të Republikës Popullore të Kinës, në një deklaratë lidhur me sulmin amerikan kundër Venezuelës.

“Ky akt hegjemonik nga Shtetet e Bashkuara shkel rëndë ligjin ndërkombëtar, minon sovranitetin e Venezuelës dhe kërcënon paqen dhe sigurinë në Amerikën Latine dhe Karaibe.

Kina, e kundërshton me forcë këtë. Ne i bëjmë thirrje Shteteve të Bashkuara të respektojnë të drejtën ndërkombëtare dhe qëllimet e parimet e Kartës së Kombeve të Bashkuara, si dhe të ndalojnë shkeljen e sovranitetit dhe sigurisë së vendeve të tjera”, u tha në deklaratë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit