PARIS | BANDA E HAJDUTËVE VODHI BIZHUTERITË E NAPOLEON BONAPATRIT NË MUZEUN E LUVRIT (BONARATI ISHTE ME GJAK SHQIPTAR).

Paris, Francë | Një grup hajdutësh vodhën disa bizhuteri shumë të çmuara nga koleksioni i Napoleon Bonapartit nga Muzeu i Luvrit në Paris këtë mëngjes.

Vjedhja ndodhi në hapjen e muzeut, një nga më të famshmit dhe më të vizituarit në botë.

Nëntë bizhuteri u vodhën nga vitrinat, duke përfshirë një gjerdan, një brosh dhe një diademë.

Një nga bizhuteritë - një kurorë e Perandoreshës Eugjenia (Eugénie) - u gjet e dëmtuar jashtë ndërtesës.

“Bizhuteritë e vjedhura kanë një vlerë të paçmuar”, sipas Ministrit të Brendshëm Lorent Nunez (Laurent Nuñez), i cili, njoftoi një hetim për incidentin, i cili u hap menjëherë nga Prokuroria e Parisit për vjedhje të organizuar dhe konspiracion kriminal.

Muzeu u evakuua dhe u mbyll për të gjithë ditën.

Tre doras besohet se e kanë kryer grabitjen.

Sipas raportimeve të medias franceze, ata, të veshur me kapuç, arritën të hynin në ndërtesën në anën e Senës ku po zhvilloheshin punimet.

Të armatosur me sharra të vogla me zinxhir, ata me sa duket përdorën një ashensor për pajisje lëvizëse për të arritur direkt në dhomën e synuar në Galerinë Apollo.

Pasi thyen xhamat, ata hynë në ndërtesë, ndërsa një i tretë mbeti jashtë.

Ata thuhet se u larguan me motomjete (skutera), duke u drejtuar drejt autostradës A6.

Një dëshmitar raportoi se policia po vraponte pranë Piramidës dhe po përpiqej të hynte në Luvër përmes dyerve anësore prej xhami, por ato ishin të kyçura dhe të pamundura për t'u hapur.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit