PAPA LEO XIV-të: LE TA DËNOJMË SË BASHKU SHFRYTËZIMIN E ZOTIT; GJUHA E URREJTJES PO HELMON STRUKTURËN SHOQËRORE.

Vatikan | “Mbi themelet e vëllazërisë, në origjinën e njerëzimit dhe në besim, ne marrim së bashku përgjegjësinë tonë të përbashkët.

Të dënojmë çdo formë diskriminimi dhe persekutimi bazuar në racë, fe ose origjinë; të hedhim poshtë çdo shfrytëzim të emrit të Zotit për qëllime ushtarake, ekonomike ose politike; të ngremë zërin tonë në mbështetje të çdo pakice që vuan”.

Kështu tha Papa Leo XIV-të ndërsa priste një delegacion udhëheqësish të bashkësisë myslimane të Senegalit.

“Për fat të keq, konfliktet e armatosura vazhdojnë në kontinentin afrikan dhe kësaj i shtohen fjalimet e urrejtjes që helmojnë strukturën shoqërore.

Sot bota, ka nevojë për diplomaci dhe dialog fetar të bazuar në paqe, drejtësi dhe të vërtetë.

Të krishterë dhe myslimanë, ne besojmë së bashku se çdo qenie njerëzore është krijuar nga duart e Zotit dhe për këtë arsye është pajisur me një dinjitet që asnjë ligj apo pushtet njerëzor nuk ka të drejtë ta konfiskojë”, tha Papa Leo XIV-të.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit