PAPA LEO XIV-të DO TË VIZITOJË TURQINË PËR 1700-VJETORIN E KËSHILLIT (KONCILI) TË NIKESË.

Vatikan | Papa Leo XIV-të konfirmoi sot se planifikon të udhëtojë për në Turqi për 1700-vjetorin e Koncilit të Nikesë, një nga ngjarjet më të rëndësishme në historinë e Krishterimit.

Ky mund të jetë udhëtimi i parë jashtë vendit i Papës së ri.

“Shpresoj t'ju shoh përsëri pas disa muajsh për festimin ekumenik të përvjetorit të Koncilit të Nikesë”, tha Robert Francis Prevost në takimin që pati sot me Kryepeshkopin Elpidoforos të Amerikës dhe përfaqësues të tjerë të Kryepeshkopatës së Amerikës dhe Kryepeshkopatës Katolike Romake të Newark-ut.

Nikea, tani qyteti turk i Iznikut, ndodhet rreth 100 kilometra larg Kostandinopojës.

Në vitin 325 pas Krishtit, priti Këshillin e parë Ekumenik në historinë e Krishterimit, të thirrur nga Perandori Kostandin.

Ky këshill, ku morën pjesë rreth 300 peshkopë nga Perandoria Romake, hodhi themelet e doktrinës që njihet edhe sot e kësaj dite nga shumë kisha të krishtera.

Në muajin maj, Patriarku Bartolomeu kishte zbuluar se Papa Leo XIV-të kishte shprehur qëllimin e tij për të vizituar Turqinë.

Vatikani nuk e ka konfirmuar zyrtarisht këtë udhëtim, i cili, do të jetë vizita e parë jashtë vendit e Papa Leo XIV-të që nga zgjedhja e tij më 8 maj.

Fillimisht, vizita ishte planifikuar të zhvillohej në fund të majit nga Papa Françesku, i cili, megjithatë, vdiq më 21 prill, në moshën 88 vjeç.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit