PAPA LEO XIV-të: DINJITETI NJERËZOR RREZIKON TË HARROHET; NJERIU NUK ËSHTË NJË SISTEM ALGORITMESH; NJERIU ËSHTË MISTER.

Vatikan | “Ekzistojnë sfida që vënë në pikëpyetje respektin për dinjitetin e personit njerëzor.

Inteligjenca artificiale, bioteknologjia, ekonomia e të dhënave dhe mediat sociale po e transformojnë thellësisht perceptimin dhe përvojën tonë të jetës.

Në këtë skenar, dinjiteti njerëzor rrezikon të rrafshohet ose të harrohet, duke u zëvendësuar nga funksione, automatizma, simulime.

Por personi nuk është një sistem algoritmesh: është një krijesë, një marrëdhënie, një mister”.

Papa Leo XIV-të e tha këtë në takimin me CEI-n, duke theksuar gjithashtu rëndësinë e bashkëpunimit të shëndetshëm me autoritetet civile.

CEI është një vend diskutimi dhe sinteze e mendimeve të ipeshkvijve mbi çështjet më të rëndësishme për të mirën e përbashkët.

“Kujdesuni që besimtarët laikë - shtoi Papa duke iu drejtuar ipeshkvijve - të ushqyer nga Fjala e Zotit dhe të formuar në doktrinën shoqërore të Kishës, të jenë protagonistë të ungjillëzimit në vendin e punës, në shkolla, në spitale, në mjedise shoqërore e kulturore, në ekonomi, në politikë”.

Së fundmi, apeli që çdo dioqezë mund të promovojë kurse edukimi në mosdhunë, nisma ndërmjetësimi në konfliktet lokale, projekte mirëseardhjeje që e shndërrojnë frikën nga tjetri në një mundësi për takim.

“Çdo bashkësi bëhet një shtëpi paqeje, ku mësohet të qetësohet armiqësia përmes dialogut, ku praktikohet drejtësia dhe mbrohet falja”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit