PAPA LEO XIV-të BËRI THIRRJE PËR ARMËPUSHIM NË SUDAN.

Vatikan | Në Engjëll (Angelus) Papa Leo-XIV-të foli për situatën tragjike në Sudan.

“Me hidhërim të madh njoftoj lajmet tragjike që vijnë nga Sudani, veçanërisht nga Darfuri verior i shkatërruar.

Dhuna pa dallim ndaj grave dhe fëmijëve, sulmet ndaj civilëve të pambrojtur dhe pengesat e rënda ndaj veprimeve humanitare po shkaktojnë vuajtje të papranueshme për një popullsi tashmë të rraskapitur nga muaj të gjatë konflikti.

Ne lutemi që Zoti të mirëpresë të ndjerit, të mbështesë vuajtjet dhe të prekë zemrat e atyre që janë përgjegjës.

Unë përsëris thirrjen time të përzemërt drejtuar palëve të përfshira”, tha Papa Leo XIV-të, duke kërkuar armëpushim dhe hapjen urgjente të korridoreve humanitare.

“Së fundmi, e ftoj bashkësinë ndërkombëtare të ndërhyjë me vendosmëri dhe bujari për të ofruar ndihmë dhe për të mbështetur ata që punojnë pa u lodhur për të ofruar ndihmë”, tha Papa Leo XIV-të.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit