PAKISTAN | SULM VETËVRASËS (KAMIKAZ) ME BOMBË JASHTË NJË GJYKATE NË ISLAMABAD; TË PAKTËN 12 TË VDEKUR + 27 TË PLAGOSUR.

Islamabad, Pakistan | Një shpërthim vrau të paktën 12 subjekte dhe plagosi disa të tjerë jashtë një gjykate në Islamabad të Pakistanit.

Kështu raporton enti mediatik “Dawn”, duke cituar burime policore.

Sulmi u konfirmua nga Presidenti Asif Ali Zardari dhe Ministri i Mbrojtjes Khauaja (Khawaja) Asif, të cilët, e përshkruan atë si një sulm vetëvrasës me bombë.

“Jemi në gjendje lufte. Ky sulm është një thirrje zgjimi për këdo që mendon se ushtria pakistaneze po e lufton këtë luftë (vetëm) në rajonin kufitar me Afganistanin dhe zonat e largëta të Baloçistanit”, shkroi Ministri i Mbrojtjes Asif në rrjetin social virtual Iks (X).

Shpërthimi ndodhi pranë hyrjes së Gjykatës së Qarkut të Islamabadit, në një zonë zakonisht të mbushur me njerëz.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit