OKB-ja: PLANI I IZRAELIT PËR GAZËN PËRFAQËSON NJË TJETËR PËRSHKALLËZIM TË RREZIKSHËM.

Jorku i Ri, Amerikë | “E vetmja mënyrë për të ndaluar vuajtjet njerëzore është një armëpushim.

Vendimi i fundit i qeverisë izraelite rrezikon të shkaktojë një kapitull tjetër të tmerrshëm në këtë konflikt.

Ky është një tjetër përshkallëzim i rrezikshëm i konfliktit”.

Z. Miroslav Jensha (Jenča), Ndihmës Sekretari i Përgjithshëm i OKB-së për Evropën, Azinë Qendrore dhe Amerikën, e tha këtë gjatë takimit të Këshillit të Sigurimit.

“Kombet e Bashkuara kanë qenë të paepura: e vetmja mënyrë për t'i dhënë fund vuajtjeve të mëdha njerëzore në Gazë është një armëpushim gjithëpërfshirës, i menjëhershëm dhe i përhershëm.

Nuk ka zgjidhje ushtarake për konfliktin e armatosur në Gaza ose për konfliktin më të gjerë izraelito-palestinez”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit