NAPOLI | VRASJE ME ARMË ZJARRI E NJË TË RIU; POLICIA E SHTETIT (POLIZIA DI STATO) DEKLAROI SE ISHTE TREGTAR DROGE.

Napoli, Itali | Strukturat vendore të Policisë së Shtetit (Polizia di Stato) morën dijeni se:

1- Një djalë u qëllua me armë zjarri në ballë ndërsa ishte në makinë me miqtë e tij.

Ai vdiq pak më vonë në spitalin CTO në Napoli.

Akti kriminal ngjau rreth orës 1:30 të mëngjesit, në lagjen Arenaçia (Arenaccia), konkretisht në Rrugën “Gjenerali Françesko Pinto” (Via Generale Francesco Pinto).

Miqtë u raportuan oficerëve të Skuadrës Fluturuese se dëgjuan një krismë ndërsa ishin në makinë dhe më pas e panë mikun e tyre të rrëzohej me një plagë të dukshme në ballë.

Ata e çuan menjëherë në spital, ku u shtrua me një prognozë të kujdesshme dhe më vonë vdiq.

Sipas personelit mjekësor, plumbi hyri dhe doli përmes ballit të djalit.

Sipas hetimit të Policisë së Shtetit (Polizia di Stato), e cila, po përpiqet të hetojë plotësisht vrasjen, djali ishte tregtar droge.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit