MINISTRJA E DREJTËSISË E REPUBLIKËS SË KOSOVËS ALBULENA HAXHIU NËNSHKROI KËRKESAT E EKSTRADIMIT PËR RIGELS RAJKUN (NOIZY); BAHTJAR BAJRAKTARIN (DJ CRAX); ARKIMED LUSHAJN (STRESI).

Prishtinë, Kosovë | Ministrja e Drejtësisë e Republikës së Kosovës Albulena Haxhiu nënshkroi kërkesat e ekstradimit për:

1- Z. Rigels Rajku (i njour si Noizy).

2- Z. Bahtjar Bajraktari (i njohur si DJ Crax).

3- Z. Arkimed Lushaj (i njohur si Stresi).

Shkresat i janë përcjell Ministrisë së Drejtësisë së Republikës së Shqipërisë, si autoritetet përgjegjës për ekstradimet.

Këtë akt procedurial penal e ka konfirmuar për mediat edhe këshilltari i ministres së Drejtësisë, Genc Nimoni.

Ministrja Albulena Haxhiu i ka kërkuar zyrtarisht homologut Ulsi Manja arrestimin e përkohshëm të tre subjekteve të mësipërm, me qëllim ekstradimin e tyre më pas në drejtim të autoriteteve të Republikës së Kosovës, për t’u përballur me akuzat për ushtrimin e dhunës fizike ndaj z. Muhamed (Medi) Iseni dhe kunatit të tij.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit