MINISTRI I JASHTËM UKRAINAS ANDRI SIBIHA (ANDRII SYBIHA) U TAKUA ME SEKRETARIN AMERIKAN TË SHTETIT MARKO (MARCO) RUBIO.

Abacia e Vo dë Kerni (Vaux-de-Cernay), Francë | Ministri i Jashtëm ukrainas Andri Sibiha (Andrii Sybiha) tha se diskutoi procesin e paqes me Sekretarin amerikan të Shtetit Marko (Marco) Rubio dhe nevojën për të ushtruar presion mbi Rusinë për ta detyruar atë të përfundojë luftën.

“Roli i Shteteve të Bashkuara në promovimin e përpjekjeve për paqe mbetet me rëndësi të madhe.

Propozimet e Ukrainës janë realiste dhe të arritshme. Presioni mbi Rusinë është thelbësor për ta detyruar Moskën të përfundojë luftën”, tha Ministri Sibiha.

Të dyja palët thuhet se diskutuan gjithashtu zhvillimet në Lindjen e Mesme.

Ministri Sibiha argumentoi se regjimet në Moskë dhe Teheran po bashkëpunojnë për të vazhduar luftën dhe se të dyja duhet t'i nënshtrohen presionit të përbashkët.

Ai theksoi ndihmën konkrete të Ukrainës për shtetet e Gjirit për t'i ndihmuar ato të mbrohen nga terrorizmi iranian, duke e paraqitur Kievin si një partner dhe aktor sigurie.

Ai përsëriti se kundërshtimi i agresionit rus kundër Ukrainës duhet të mbetet një përparësi në axhendën ndërkombëtare.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit