MINISTRI I JASHTËM RUS SERGEI LAVROV: PËRDORIMI I ASETEVE RUSE NGA UKRAINA ËSHTË MASHTRIM DHE GRABITJE.

Moskë, Federata Ruse | “Cinizmi i Komisionit Evropian në interpretimin e Kartës së OKB-së dhe normave të tjera ligjore ndërkombëtare, duke përfshirë dispozitat mbi imunitetin sovran dhe paprekshmërinë e aseteve të bankës qendrore, ka pushuar së qeni i habitshëm prej kohësh. Veprime të tilla përbëjnë mashtrim dhe grabitje të plotë”.

Ministri i Jashtëm rus Sergei Lavrov, i cituar nga agjencia ruse e lajmeve “Ria Novosti”, e tha këtë në lidhje me mundësinë e përdorimit të aseteve të ngrira ruse për të mbështetur Kievin.

“Pavarësisht se si është orkestruar plani për të zhvatur para nga rusët, nuk ka asnjë mënyrë ligjore për ta bërë këtë, dhe Rusia do të përgjigjet në mënyrë të përshtatshme”, shtoi ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit