MINISTRI I JASHTËM I SULLTANATIT TË OMANIT BADR ALBUSAIDI: BISEDIMET MES IRANIT DHE SHBA-ës (ME NDËRMJETËSIMIN E OMANIT) TË PLANIFIKUARA PËR T’U MBAJTUR KËTË TË SHTUNË U SHTYNË PËR SHKAQE LOGJISTIKE.

Muskat, Oman | Raundi i katërt i bisedimeve bërthamore SHBA-Iran, që pritet të zhvillohet në Romë të shtunën, është shtyrë për arsye logjistike për një datë që do të përcaktohet më vonë.

Kjo u njoftua nga Sulltanati i Omanit - ndërmjetësi i negociatave.

“Për arsye logjistike, po e riplanifikojmë takimin midis Shteteve të Bashkuara dhe Iranit, i cili, është planifikuar paraprakisht për të shtunën, më 3 maj.

Datat e reja do të shpallen kur të bien dakord”, theksoi z. Badr Albusaidi, ministri i jashtëm i Muskatit (Muscatit), në një postim në rrjetin social virtual Iks (X).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit