MILIARDIERI ILLN MASK (ELON MUSK) AKUZOI QEVERINË BRITANIKE SE VENDI PO SHKATËRROHET NGA EMIGRACIONI I PAKONTROLLUAR | KËRKOI SHPËRBËRJE TË PARLAMENTIT DHE ZGJEDHJE TË REJA.

Uashington, Amerikë | Miliardieri Illn Mask (Elon Musk) ka kritikuar ashpër qeverinë britanike për erozionin në rritje të shpejtë të vendit për shkak të flukseve të migracionit në vend, gjatë protestës “Unite the Kingdom” (Bashko Mbretërinë) në Londër, ku me dhjetëra mijëra njerëz që iu përgjigjën thirrjes së aktivistit anti-imigracionit dhe anti-islamizimit, Tomi (Tommy) Robinson.

Duke folur nëpërmjet një videokonference me protestuesit, themeluesi i Teslës tha se:

1- “Mendoj se ka diçka të bukur në të qenit britanik. Ajo që shoh të ndodhë këtu është shkatërrimi i Britanisë. Në fillim ishte një erozion i ngadaltë, por tani është një erozion që po rritet me shpejtësi për shkak të imigracionit masiv të pakontrolluar”.

Ai akuzoi qeverinë për dështimin në mbrojtjen e njerëzve të pafajshëm, përfshirë fëmijët që përdhunohen në grup.

“Është e pabesueshme që qeveria ka dështuar në mbrojtjen e qytetarëve të saj, gjë që është detyra e saj themelore”, shtoi ai.

“Më pas ai argumentoi se ekziston një rrezik real për përdhunim dhe vrasje, si dhe shkatërrimi i vendit dhe çmontimi i të gjithë mënyrës së jetesës. Nëse nuk do të ishit nën sulm masiv, njerëzit do të vazhdonin punën e tyre dhe do të jetonin jetën e tyre. Por për fat të keq, kur beteja vjen tek ju, nuk keni zgjidhje tjetër”, theksoi ai më tej.

Duke iu referuar Brexit-it, ai argumentoi se tërheqja e Britanisë nga Bashkimi Evropian ishte një vendim i mirë, por theksoi se vendi mbeti në të njëjtin nivel me Unionin.

Kur ka shumë qeveri, rregullore dhe shtypje, liria e njerëzve për të provuar ide të reja dhe të mëdha shtypet.

“Britania ishte një vend që bëri gjëra të mahnitshme, disa nga më të guximshmet në të gjithë planetin, dhe kjo është e mundur në të ardhmen.

Por kjo nuk mund të bëhet nëse kemi këtë burokraci të madhe shtypëse dhe një qeveri që nuk interesohet për njerëzit e saj”, theksoi ai.

Ai përsëriti gjithashtu se kërkohet një shpërbërje e parlamentit dhe një ndryshim i qeverisë.

“Unë besoj vërtet se duhet të ketë një ndryshim të qeverisë në Britani. Nuk mund të presim edhe 4 vjet deri në zgjedhjet e ardhshme. Diçka duhet bërë. Parlamenti duhet të shpërbëhet dhe të mbahen zgjedhje të reja”, tha ai.

Pas komenteve të tij, z. Tomi (Tommy) Robinson ndërhyri dhe tha se:

1- “Jo vetëm që jemi në një betejë tani, por po ecim përpara falë lirisë së fjalës për të cilën Eloni po lufton, për ne”.

Menjëherë pas komenteve të biznesmenit miliarder, shpërthyen përleshje midis policisë dhe turmës pranë Urës së Westminsterit.

Oficerët u përballën me agresion të konsiderueshëm dhe u përpoqën t'i pengonin protestuesit të shkelnin linjat e tyre dhe të arrinin te protestuesit e tjerë, të cilët, dukeshin të rrethuar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit