MIJËRA NJERËZ MARSHUAN NË 60 VENDE NË GJERMANI KUNDËR TË DJATHTËS EKSTREME ALTERNATIVA PËR GJERMANINË (AFD).

Berlin, Republika Federale e Gjermanisë | Mijëra njerëz protestuan sot në të gjithë Gjermaninë kundër të djathtës ekstreme, ndërsa partia AfD paraqiti një ankesë kundër një vendimi për ta etiketuar atë si një grup ekstremist.

Javën e kaluar, shërbimet e inteligjencës së brendshme të Gjermanisë e klasifikuan partinë anti-imigracion Alternativa për Gjermaninë (AfD) si një grup ekstremist të krahut të djathtë, duke e akuzuar atë se kërkon të minojë demokracinë e vendit.

Sot, protestuesit anti-AfD marshuan në 60 vende në të gjithë Gjermaninë, pas një thirrjeje nga grupi “Së bashku kundër të djathtës”.

Në Berlin, 3000 protestues u mblodhën jashtë Portës së Brandenburgut, sipas policisë.

Organizatorët vlerësuan pjesëmarrjen në 7000 veta.

Slogani ishte: “Së bashku kundër fashizmit”.

“AfD nuk është një parti normale dhe nuk duhet të trajtohet si e tillë”, deklaroi grupi organizues në faqen e tij të internetit.

“Ka ardhur koha për ta konsideruar seriozisht ndalimin e grupit”, tha grupi.

Megjithatë, AfD-ja po rritet në popullaritet. Në zgjedhjet e muajit shkurt, ajo u rendit e dyta vetëm pas konservatorëve të kancelarit të ri Fridrsish Merc (Friedrich Merz).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit