MBRETËRIA E HOLANDËS | 22 TË ARRESTUAR PËR PROTESTË KUNDËR KONCERTIT TË KËNGËTARIT TË USHTRISË IZRAELITE SHAI ABRAMSON.

Amsterdam, Mbretëria e Holandës | Strukturat vendore të Policisë arrestuan:

1- Njëzet e dy subjkete pas përleshjeve të djeshme me protestuesit jashtë një salle koncertesh në Amsterdam, ku po zhvillohej një shfaqje nga kantori i ushtrisë izraelite Shai Abramson.

“Policia - thuhej në një deklaratë zyrtare - ndërhyri disa herë për të mbajtur protestuesit larg dhe për të ruajtur rendin publik.

U përdorën shkopinj gome ndërsa protestuesit shpërthyen bomba tymi.

Një oficer thuhet se pësoi lëndime të lehta. Policia arrestoi gjithashtu 22 persona për vepra penale, duke përfshirë shkeljen e rregullave të tubimeve publike, posedimin e fishekzjarrëve dhe rezistencën ndaj arrestimit”.

Z. Abramson fillimisht ishte planifikuar të drejtonte koncertin vjetor publik të Hanukkah-ut të Concertgebouw të dielën pasdite, por plani shkaktoi protesta publike për shkak të lidhjeve të tij me ushtrinë izraelite.

Pjesëmarrja e tij në eventin e pasdites u anulua dhe u zëvendësua me një ftesë për të performuar në dy koncerte private në mbrëmje.

Ky lajm u raportua nga agjencia italiane e lajmeve “Ansa” dhe ajo franceze “Afp”.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit