MBRETI ABDULLAH I JORDANISË: ASNJË VEND NUK DO TË DËSHIROJË TË IMPONOJË PAQEN | MBRETËRESHA RANIA: DY VJET TERROR NË GAZË DHE ASKUSH NUK E NDALI.

Londër, Mbretëria e Bashkuar | “Vendet do të refuzonin të kërkohej të impononin paqen në Gazë nëse do të ishin në përputhje me planin e armëpushimit të Trampit (Trump)”, tha Mbreti Abdullah i Jordanisë për entin mediatik “BBC”.

“Cili është mandati i forcave të sigurisë brenda Gazës? Dhe shpresojmë që të jetë paqeruajtëse, sepse nëse bëhet fjalë për zbatimin e paqes, askush nuk do të dëshirojë ta prekë atë”, tha Mbreti Abdullah në një intervistë ekskluzive për “BBC Panorama”, duke shtuar se Jordania dhe Egjipti ishin të gatshëm të trajnonin forcat palestineze të sigurisë.

“Ruajtja e paqes do të thotë të jesh aty për të mbështetur forcat vendore të policisë, palestinezët, të cilët, Jordania dhe Egjipti janë të gatshëm t'i stërvisin në numër të madh, por kjo kërkon kohë. Nëse ne patrullojmë Gazën të armatosur, kjo nuk është një situatë në të cilën asnjë vend nuk dëshiron të përfshihet”, tha Mbreti Abdullah.

Mbreti Abdullah tha se nuk do të dërgonte forca jordaneze në Gazë sepse vendi i tij ishte shumë afër politikisht me situatën.

Kur u pyet nëse i besonte Hamasit dhe premtimit të tij për të hequr dorë nga çdo rol politik në Gaza, ai deklaroi se:

1- “Nuk i njoh, por ata që punojnë ngushtë me ta, Katari dhe Egjipti, janë shumë, shumë optimistë.

Nëse nuk gjejmë një të ardhme për izraelitët dhe palestinezët dhe një marrëdhënie midis botës arabe dhe myslimane dhe Izraelit, jemi të mbaruar”.

Mbretëresha Rania e Jordanisë, duke folur edhe ajo për “BBC”-në, kritikoi bashkësinë ndërkombëtare për dështimin - sipas saj - për të ndaluar luftën për dy vjet.

“A e dini si është të kesh qenë prind për dy vitet e fundit? Të shohësh fëmijët e tu të vuajnë, të vdesin nga uria, të dridhen nga tmerri dhe të mos jesh në gjendje të bësh asgjë për këtë, dhe të dish se e gjithë bota po të shikon dhe po të shikon dhe nuk është në gjendje të bëjë asgjë. Ky makth është makthi i çdo prindi, por ky makth është realiteti i përditshëm i palestinezëve gjatë dy viteve të fundit”, tha Mbretëresha Rania.

Mbretëresha Rania, me prejardhje palestineze, vlerësoi Presidentin Tramp (Trump) për përpjekjet e tij.

“Për nder të tij, Trampi (Trump) ishte presidenti i parë në një kohë të gjatë që ushtroi presion mbi Izraelin.

Më parë, kur ata kalonin vijën, presidenti i Shteteve të Bashkuara thjesht do të thoshte disa fjalë qortimi ose do t'i godiste në kyç.

Presidenti Tramp (Trump) arriti ta bindte Netanjahun të binte dakord për një armëpushim. Dhe shpresoj që ai të vazhdojë të jetë i përkushtuar ndaj këtij procesi”, tha Mbretëresha Rania.

E pyetur nëse besonte se një paqe e qëndrueshme ishte e mundur, ajo u përgjigj se shpresa për një gjë të tillë nuk ishte naive, por një formë sfide.

“Unë vërtet besoj se palestinezët dhe izraelitët mund të jetojnë krah për krah”, tha Mbretëresha Rania.

“Në klimën aktuale, ka shumë armiqësi, shumë zemërim, dhimbje, urrejtje dhe cinizëm midis dy popujve për të arritur paqen vetëm. Nuk jam naiv. Por besoj se, me shtytjen e bashkësisë ndërkombëtare, kjo është e vetmja mënyrë”, shtoi ajo.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit