MBI 100 TË VDEKUR NGA PËRMBYTJET NË NEPAL | TË PAKTËN 64 VETA JANË TË ZHDUKUR.

Katmandu, Nepal | Të paktën 101 veta kanë vdekur dhe 64 të tjerë janë zhdukur në Nepal pas reshjeve të mëdha të shiut që shkaktuan përmbytjet në kryeqytetin Katmandu dhe pjesë të tjera të republikës së Himalajeve.

Këtë e ka bërë të ditur policia lokale të dielën.

Dhjetëra veta janë ende të zhdukur. Këtë e kanë raportuar mediat ndërkombëtare.

Policia - mëngjesin e sotëm - paralajmëroi se numri i të vdekurve pritet të rritet më tej pasi vijnë raporte nga fshatrat në të gjithë vendin malor.

Sot moti është përmirësuar dhe në zonat e përmbytura po zhvillohen operacione shpëtimi, rikuperimi dhe pastrimi.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit