LAGJJA “ALI DEMI”, TIRANË | U ARRESTUAN KRISALD KUNDRAXHI + JURGEN KOVAÇI; ARMË ZJARRI + KOKAINË.

Lagjja “Ali Demi”, Tiranë, Shqipëri | Strukturat vendore të Policisë së Shtetit arrestuan:

1- Z. Krisald Kundraxhi (anëtar i një grupi kriminal të drejtuar nga z. Gjergj Cukali).

Në vitin 2016 ai u arrestua së bashku me:

a- Z. Gjergj Cukali.

b- Z. Artur Tarja.

c- Z. Muharrem Kallushi.

ç- Znj. Vjollca Gjoka.

d- Z. Gentian Balliu.

dh- Z. Armand Gjoka.

2- Z. Jurgen Kovaçi.

Njoftim | Shërbimet e Komisariatit të Policisë Nr. 1, në vijim të kontrolleve për kapjen e shtetasve në kërkim, të atyre që qarkullojnë me armë apo lëndë narkotike, mbi bazën e informacioneve të siguruara nga inteligjenca policore, kanë organizuar dhe finalizuar operacionin policor të koduar “Check Point”.

Gjatë operacionit, në rrugën “Ali Demi” shërbimet e Policisë kanë ndaluar automjetin me drejtues shtetasin K. K., dhe pasagjer shtetasin J. K..

Gjatë kontrollit fizik dhe më tej të banesës së shtetasit Krisald Kundraxhi. iu gjetën 1 armë zjarri pistoletë, municion luftarak, një sasi prej 304 gramë lëndë narkotike kokainë, rreth 131 tableta ekstazi, 3 peshore elektronike si dhe pjesë arme.

Në përfundim të veprimeve procedurale u arrestuan në flagrancë shtetasit:

K. K., 38 vjeç, banues në Tiranë, për veprat penale “Prodhimi dhe mbajtja pa leje e armëve, armëve shpërthyese dhe municionit” dhe “Prodhimi dhe shitja e narkotikëve”;

J. K., 34 vjeç, banues në Tiranë, për veprën penale “Moskallëzimi i krimit’.

Materialet procedurale i kaluan Prokurorisë së Tiranës, për veprime të mëtejshme, thuhet në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit