KRYEMINISTRI NETANJAHU: NASRALLAHU ISHTE FORCA LËVIZËSE PAS BOSHTIT TË SË KEQES ME IRANIN.

Jeruzalem, Izrael | “Ne kemi larë hesapet me ata që janë përgjegjës për vrasjen e një numri të madh izraelitësh dhe shumë qytetarëve të vendeve të tjera, duke përfshirë qindra amerikanë dhe dhjetëra francezë”, tha kryeministri izraelit Benjamin Netanjahu këtë mbrëmje, duke lëshuar një deklaratë video sapo u kthye në Izrael nga Shtetet e Bashkuara, pas vrasjes së sekretarit të përgjithshëm të Hezbollahut, Hassan Nasrallah.

“Hassan Nasrallah ishte terroristi, drejtuesi qendror i boshtit të së keqes të Iranit. Ai dhe njerëzit e tij ishin arkitektët e planit për të shkatërruar Izraelin.

Jo vetëm që u aktivizua nga Irani, por shumë herë aktivizoi edhe Iranin.

Unë dhashë direktivën dhe Nasrallah nuk është më me ne. Eliminimi i tij promovon kthimin e banorëve tanë në shtëpitë e tyre në veri, dhe gjithashtu promovon kthimin e të rrëmbyerve tanë: sa më shumë Sinwar të shohë që Hezbollahu nuk do të vijë për ta shpëtuar atë, aq më e madhe është mundësia e kthimit të pengjeve të Izraelit.

Kemi rezultate të shkëlqyera, por puna ende nuk ka përfunduar. Në ditët në vijim do të përballemi me sfida të rëndësishme”, tha kryeministri izraelit.

Kryeministri Netanjahu, në deklaratën e pazakontë në fund të Shabatit, shpjegoi se në fillim të javës ai kuptoi se edhe sulmet e rënda që Izraeli i kishte bërë Hezbollahu nuk do të mjaftonin dhe se eliminimi i Nasrallahut ishte një kusht thelbësor për arritjen e qëllimeve që lidhen me kthimin e banorëve të veriut të sigurt në shtëpitë e tyre dhe ndryshimin e ekuilibrit të fuqisë në rajon për vitet në vijim.

“Për sa kohë që Nasrallahu ishte gjallë, ai do të rehabilitonte shpejt aftësitë e Hezbollahut”, tha ai.

Më pas kryeministri iu drejtua Iranit: “Kushdo që të na godasë, ne do të godasim. Nuk ka vend në Iran apo në Lindjen e Mesme që krahu i gjatë i Izraelit nuk mund ta arrijë, dhe sot ju tashmë e dini se sa e vërtetë është kjo. Ne jemi të vendosur të vazhdojmë të godasim armiqtë tanë”, shtoi ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit