KRYEMINISTRI DONALD TUSK: POLONIA DO TË RIHAPË PIKAT KUFITARE ME BJELLORUSINË; POLONIA ËSHTË GATI TË REAGOJË NDAJ SULMEVE DHE PROVOKIMEVE.

Kryeministri polak Donald Tusk mban një takim të jashtëzakonshëm qeveritar në kancelari, me zyrtarë ushtarakë dhe të shërbimeve të emergjencës, pas shkeljeve të hapësirës ajrore polake gjatë një sulmi rus ndaj Ukrainës, në Varshavë, Poloni, 10 shtator 2025.

Varshavë, Poloni | “Kalimet kufitare midis Polonisë dhe Bjellorusisë do të rihapen në mesnatë nga e mërkura deri të enjten”, tha të martën kryeministri polak Donald Tusk.

Polonia mbylli kufirin e saj me Bjellorusinë këtë muaj si rezultat i ushtrimeve ushtarake të udhëhequra nga Rusia që po zhvillohen në Bjellorusi.

Shqetësimet e Polonisë, anëtare e aleancës së NATO-s dhe e Bashkimit Evropian, në lidhje me manovrat ushtarake “Zapad” (Perëndim), u përforcuan kur rreth 21 dronë rusë hynë në hapësirën e saj ajrore natën e 9-10 shtatorit.

“Përfundimi i këtyre ushtrimeve zvogëlon - megjithëse nuk mund të them se eliminon - kërcënime të ndryshme, dhe duke marrë parasysh interesat ekonomike të transportuesve dhe hekurudhave polakë, arritëm në përfundimin se kjo masë i ka shërbyer qëllimit të saj”, i tha Kryeministri Tusk.

“Nëse tensionet rriten, ne nuk do të hezitojmë dhe do të marrim vendimet e duhura”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit