KRYEMINISTRI BENJAMIN NETANJAHU: BASHKIMI EVROPIAN PO TREGON DËSHTIMIN E TIJ MORAL.

Jeruzalem, Izrael | “Ndërsa Izraeli dhe Shtetet e Bashkuara po bëjnë punën e ndyrë të Evropës duke luftuar për qytetërimin kundër të çmendurve xhihadistë në Iran dhe gjetkë, Bashkimi Evropian ka ekspozuar falimentimin e tij moral duke i barazuar në mënyrë të rreme qytetarët izraelitë me terroristët e Hamasit”.

Kështu tha Kryeministri Benjamin Netanjahu, sipas një deklarate nga zyra e tij, pas miratimit nga Bashkimi Evropian të sanksioneve kundër kolonëve të dhunshëm në Bregun Perëndimor dhe kundër Hamasit.

“Sanksionimi i hebrenjve për shkak se jetojnë në Jude dhe Samari është i papranueshëm”, vazhdoi ai, duke iu referuar Bregut Perëndimor me emrin e tij hebraik.

“Përpjekjet e Bashkimit Evropian për të sanksionuar civilët izraelitë janë një shenjë e mëtejshme dobësie dhe nuk do të kenë sukses”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit