KOREJA E VERIUT SHFAQI RAKETËN E SAJ BALISTIKE NDËRKONTINENTALE HWASONG-20 (ICBM) GJATË PARADËS USHTARAKE PËR 80-VJETORIN E PARTISË SË PUNËTORËVE.

Phenian, Kore e Veriut | Koreja e Veriut shfaqi raketën e saj balistike ndërkontinentale më të fuqishme gjatë paradës.

Eventi u zhvillua ndërsa diktatori Kim Jong Un ndihet i inkurajuar nga lufta në Ukrainë, duke fituar mbështetje vendimtare nga Rusia pasi dërgoi mijëra ushtarë të Koresë së Veriut për të luftuar përkrah forcave të Moskës.

Z. Dmitri (Dmitry) Medvedev, nënkryetar i Këshillit të Sigurisë Ruse dhe një ndihmës i ngushtë i Presidentit Vladimir Putin, mori pjesë në paradë së bashku me kryeministrin kinez Li Çiang dhe udhëheqësin vietnamez To Lam, të gjithë të ulur pranë diktatorit Kim, sipas pamjeve të botuara nga Agjencia Qendrore Koreane e Lajmeve.

Shfaqja shfaqi disa nga armët më të përparuara të vendit, përfshirë raketën e re balistike ndërkontinentale Hwasong-20 (ICBM), të cilën, agjencia koreano-veriore e lajmeve “KCNA” e përshkroi si sistemin e saj më të fuqishëm strategjik të armëve bërthamore.

“Ndër armët e ekspozuara ishin raketa strategjike lundrimi me rreze të gjatë veprimi, automjete lëshimi dronësh dhe raketa tokë-ajër dhe tokë-sipërfaqe”, shtoi agjencia e lajmeve “KCNA”.

“Ushtria e pamposhtur e vendit gjithmonë ka dyfishuar forcën e përpjekjeve të Partisë sonë për të kapërcyer vështirësitë dhe për të parashikuar një të ardhme të ndritur”, tha diktatori Kim në një fjalim.

Me sa duket, ai po u drejtohej trupave të Koresë së Veriut që luftojnë përkrah Moskës në luftën e Rusisë kundër Ukrainës.

“Shpirti heroik luftarak i demonstruar dhe fitorja e arritur nga forcat tona të armatosura revolucionare në fushat e betejës së huaja për drejtësi ndërkombëtare... kanë demonstruar përsosmëri ideologjike dhe shpirtërore”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit