KOMPANIA GJERMANE “RHEINMETALL” DO TË NDËRTOJË NJË FABRIKË TË RE TANKESH DHE ARTILERIE NË MBRETËRINË E BASHKUAR | PRODHIMI FILLON NË VITIN 2027.

Berlin, Republika Federale e Gjermanisë | Firma gjermane e mbrojtjes “Rheinmetall” ka konfirmuar se objekti i saj i ri i prodhimit të armëve, i teknologjisë së fundit, do të vendoset në Telford të Mbretërisë së Bashkuar.

“Me këtë veprim, kompania po bën një hap të mëtejshëm drejt rivendosjes së industrisë sovrane të mbrojtjes në Mbretërinë e Bashkuar dhe po vazhdon partneritetin e saj strategjik me ministrinë e Mbrojtjes së Mbretërisë së Bashkuar sipas Marrëveshjes Trinity House”, tha kompania “Rheinmetall” në një deklaratë.

“Me prodhimin që fillon në vitin 2027, Mbretëria e Bashkuar do të jetë përsëri në gjendje të prodhojë tanke dhe armë artilerie, një kërkesë kyçe për mbrojtjen kombëtare dhe eksportet globale”, vazhdon deklarata.

“Ky nuk është vetëm një investim, është një deklaratë.

Ne po ofrojmë infrastrukturën, teknologjinë dhe ambicien për ta vendosur Mbretërinë e Bashkuar në ballë të industrisë globale të mbrojtjes.

Me vendndodhjen e konfirmuar dhe pajisjet kryesore të porositura tashmë, Rheinmetall është në rrugën e duhur për ta bërë vizionin e tij realitet”, tha CEO i Rheinmetall, Armin Papperger.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit