KOMITETI HETUES I FEDERATËS RUSE DEKLAROI ZYRTARISHT SE PRIGOZHINI GJENDEJ NË AVIONIN QË SHPËRTHEU.

Një helikopter i shërbimeve emergjente fluturon mbi vendin e rrëzimit të një avioni privat të lidhur me shefin e mercenarëve të Grupit Uagner (Wagner), Jevgeni Prigozhin (Yevgeny Prigozhin) në rajonin Tver të Rusisë më 24 gusht. © Reuters.

Moskë, Federata Ruse | Rusia pohoi zyrtarisht se z. Jevgeni Prigozhin (Yevgeny Prigozhin), shefi i Grupit mercenar Uagner (Wagner), ishte në mesin e njerëzve të vrarë, në një aksident ajëror, që ndodhi javën e kaluar.

Agjencia ruse e Aviacionit publikoi emrat e të 10 personave, përfshirë at të z. Prigozhin, i cili, gjendej në bordin e avionit privat që u rrëzua - në veriperëndim të Moskës - të mërkurën.

Testimi gjenetik u krye si pjesë e hetimit penal për aksidentin.

“Sipas rezultateve të testimeve gjenetike u përcaktuan identitetet e të 10 të vdekurve”, tha Komiteti Hetues i Rusisë, në një deklaratë në aplikacionin e mesazheve “Telegram”.

Identitetet e lartpërmendura, korrespondojnë me listën e identiteteve të deklaruara në fletën e fluturimit.

Nga z. Erton Duka.

© Copyright | Agjencia Telegrafike Vox