IZRAELI: SULMI NDAJ IRANIT NUK ISHTE OPERACION; ME IRANIN JEMI NË LUFTË; JEMI NË FILLIM TË SAJ; PRESIM QË IRANI TË NA SULMOJË.

Jeruzalem, Izrael | “Forcat Ajrore nisën një sulm historik parandalues ​​për të eliminuar këtë kërcënim ekzistencial ndaj Shtetit të Izraelit.

Operacioni u planifikua gjatë një lufte të vështirë shumëfrontëshe.

Ky nuk është një operacion: është një luftë e planifikuar dhe e zhvilluar 1500 kilometra larg shtëpisë”, komentuan zyrtarë të lartë të Forcës Mbrojtëse të Izraelit (IDF) për sulmet në Iran për entin mediatik “Ynet”.

“Ne eliminuam fillimisht komandantët dhe shkencëtarët. Ky është një veprim në zhvillim e sipër.

Ne zgjodhëm momentin më të mirë për ne dhe goditëm vendin e Natancit. Nuk do ta kishim bërë pa sigurinë se do të ishim në gjendje ta përfundonim misionin”, shtuan ata.

“Operacioni është ende në fazat e hershme. Irani ka qëllime dhe aftësi, dhe Teherani po përgatitet për një përgjigje, një sulm kundër nesh.

Popullsia duhet të veprojë me gjakftohtësi, mbrojtja nuk është hermetike”, tha zëdhënësja e ushtrisë izraelite Effie Defrin, duke shtuar se IDF-ja po vazhdon të sulmojë objektiva në Iran.

“Ne e kemi dëmtuar ndjeshëm vendin bërthamor të Natancit.

Nuk kemi zgjidhje tjetër veçse të veprojmë kundër këtij kërcënimi.

Ne duhet të përgatitemi për një operacion të zgjatur pasi veprimi ushtarak është ende në fazat e hershme”, tha ajo.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit