IZRAEL | AMBASADORI AMERIKAN MAIK HAKËBI (MIKE HUCKABEE): RRETHIMI I SHTËPIVE PALESTINEZE NGA KOLONËT ËSHTË TERRORIZËM; VEPRIM I NEVERITSHËM.

Jeruzalem, Izrael | “Veprimet e atyre që kryen këtë akt të tmerrshëm terrorizmi, që synonin frikësimin dhe ngacmimin e kësaj familjeje, janë të neveritshme”.

Kështu shkroi ambasadori i ShBA-ës në Izrael Maik Hakëbi (Mike Huckabee) në rrjetin shoqëror virtual Iks (X), duke iu referuar kolonëve izraelitë që rrethuan shtëpinë e dy familjeve palestineze në Kusra, në Bregun Perëndimor.

“Nuk ka asnjë justifikim për një sjellje kaq të dhunshme”, shkroi ambasadori Maik Hakëbi (Mike Huckabee).

Ndër shtëpitë e shënjestruara është edhe një në pronësi të një qytetari amerikan.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit