ITALI: SULM RACIST NË QENDËR TË ROMËS NË NJË AUTOBUS PUBLIK; 4 ITALIANË DHUNUAN BARBARISHT NJË LIBIAN; I MORËN ORËN DHE TELEFONIN.

Romë, Itali | Do të të vras, e di ku jeton, pastaj sulmi me shqelma dhe grushte derisa ai u rrëzua dhe i vodhën orën dhe telefonin.

Sulmi racist ndodhi në një autobus në qendër të Romës dhe u krye nga katër djem italianë të identifikuar falë sistemeve të mbikëqyrjes me video.

Karabinierët ekzekutuan një urdhër që parashikon masa paraprake kundër të katërve: njëri, 21 vjeç, është nën arrest shtëpiak me një byzylyk elektronik dhe tre, midis 19 dhe 20 vjeç, i nënshtrohen detyrimit për të qëndruar në shtëpi me ndalim daljeje nga shtëpia natën.

Ata akuzohen për lëndime personale dhe vjedhje, të kryera për arsye banale dhe të rënduara nga urrejtja racore.

Viktima është një burrë 25-vjeçar me origjinë libiane, i sulmuar dhe grabitur në bordin e linjës së autobusëve Atac N201, pranë Sheshit të Zonës Koeli (Piazza dell'Ara Coeli).

Viktima u transportua në spitalin Shën Xhovani (San Giovanni), ku u konstatuan fraktura të shumta.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit