ITALI | PRESIDENTI I REPUBLIKËS SERXHO MATARELA (SERGIO MATTARELLA): LIRIA + DREJTËSIA + DEMOKRACIA JANË VLERAT PËR TË MBROJTUR TË ARDHMEN.

Romë, Itali | “Gjurma e thellë që la masakra e 2 gushtit 1980 në stacionin e trenit të Bolonjës është gdhendur në historinë e Republikës dhe në ndërgjegjen e italianëve.

Dhimbja e pafundme për kaq shumë viktima të pambrojtura, gra, burra dhe fëmijë; emocioni për ankthin dhe vuajtjet e familjeve të tyre; tmerri për shkatërrimin e sjellë në qendër të jetës civile të qytetit dhe të të gjithë kombit ripërtërihen sot, si në çdo përvjetor.

Është një ndërgjegjësim që ka të bëjë me komunitetin tonë, para së gjithash me të rinjtë.

Dhe riafirmon angazhimin për të mbrojtur të ardhmen që do të ndërtohet mbi vlerat e lirisë, drejtësisë dhe demokracisë.

Vlerat që strategjia neofashiste e terrorit kërkoi të shkatërronte.

Ai angazhim, ai solidaritet që Bolonja dhe Italia në tërësi ishin në gjendje të ofronin për të parandaluar që vrasësit dhe bashkëpunëtorët e tyre të kenë sukses në përpjekjen e tyre për të përmbysur parimet kushtetuese, për të minuar bashkëjetesën dhe arritjet shoqërore.

Populli italian i mundi ata në kërkimin e mundimshëm të së vërtetës.

Republika është mirënjohëse ndaj magjistratëve dhe anëtarëve të institucioneve që, me punën e tyre, rezultuan më të fortë se përpjekjet për të mashtruar, dhe familjeve të viktimave për angazhimin e tyre të zjarrtë ndaj së vërtetës.

Të bësh drejtësi është një fitore për demokracinë”.

Kështu tha presidenti i Republikës së Italisë, Serxho Matarela (Sergio Mattarella), duke kujtuar masakrën e Bolonjës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit