IRAN | SHTABI I PËRGJITHSHËM I FORCAVE TË ARMATOSURA MOHOI SULMIN ME DRONË NDAJ AZERBAJXHANIT.

Teheran, Iran | Ushtria iraniane mohon se ka nisur një sulm me dronë ndaj Azerbajxhanit.

“Veprime të tilla nga Izraeli që synojnë prishjen e marrëdhënieve midis vendeve myslimane përmes mjeteve të ndryshme kanë një histori precedentësh. Një veprim i tillë u krye nga ai regjim për të akuzuar Iranin”.

Kështu tha Shtabi i Përgjithshëm i Forcave të Armatosura Iraniane, i cituar nga agjencia iraniane “ISNA”, duke mohuar se Ushtria kishte lëshuar dronë kundër enklavës azerbajxhanase të Nakhçivanit.

Më herët sot, Azerbajxhani kishte raportuar një sulm iranian me dronë në Nakhçivan, i cili, goditi aeroportin e rajonit, duke e dëmtuar atë dhe duke plagosur dy persona.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit