IRAN | PRESIDENTI MAASUD (MASOUD) PEZESHKIAN: NUK KËRKOJMË ARMË BËRTHAMORE; NUK DO TË HEQIM DORË NGA PASURIMI I URANIUMIT.

Teheran, Iran | Presidenti Maasud (Masoud) Pezeshkian përsëriti se Teherani është i gatshëm të ofrojë garanci se vendi nuk po kërkon një armë bërthamore, ndërsa këmbënguli se Irani nuk do të heqë dorë nga e drejta e tij për të pasuruar uranium.

“Ajo që kërkojnë Shtetet e Bashkuara është që Irani të mos ndërtojë një bombë bërthamore.

Kjo nuk është asgjë e re dhe ne mund të deklarojmë edhe me shkrim se nuk kemi ndërmend të ndërtojmë një bombë”.

Kështu tha presidenti Maasud (Masoud) Pezeshkian, sipas faqes së tij të internetit.

“Megjithatë, ne nuk do të heqim dorë nga e drejta jonë për pasurim dhe pala tjetër nuk do të ketë zgjidhje tjetër veçse ta pranojë atë”, shtoi ai.

“Ne nuk kemi frikë nga lufta, por nuk është në interesin e askujt”, shtoi ai më tej.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit