___.png)
IRAN | MINISTRIA E JASHTME: AKUZOJMË NATO-n PËR BASHKËPUNIM NË LUFTË ME SHBA-ës.
- Agjencia Telegrafike Vox
- 1 hour ago
- 1 min read
Teheran, Iran | Qeveria iraniane ka akuzuar NATO-n për bashkëpunim në luftën e ShBA-ës kundër Republikës Islamike.
Ky qëndrim u manifestua pasi sekretari i përgjithshëm i NATO-s, Mark Rutte, shprehu mbështetje për ShBA-ës dhe pretendoi se mijëra avionë amerikanë u ngritën nga baza të ndryshme evropiane për të mbështetur operacionin kundër Iranit.
“Ky është një pranim i qartë dhe kompromentues i bashkëpunimit aktiv të NATO-s në një luftë të paligjshme agresioni kundër një shteti anëtar sovran të Kombeve të Bashkuara”, shkroi zëdhënësi i Ministrisë së Jashtme, Esmail Baghaei, në rrjetin shoqëror virtual Iks (X).
Ai akuzoi NATO-n për një shkelje flagrante të normave të detyrueshme të së drejtës ndërkombëtare dhe parimeve themelore të Kartës së OKB-së.
“Vend pas vendi, aleat pas aleati pas aleati, kanë vënë bazat e tyre në dispozicion për Epic Fury”, tha sekretari i përgjithshëm Rutte.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments