IRAN | ISH-KAMPIONI I ARTEVE MARCIALE GHOLAMREZA KHANI SHEKARAB U EKZEKUTUA; U AKUZUA SE BASHKËPUNONTE ME MOSSAD-in IZRAELIT.

Teheran, Iran | “Ish-kampioni i arteve marciale të përziera (MMA), Gholamreza Khani Shekarab, 34 vjeç, u ekzekutua , i akuzuar për spiunazh dhe bashkëpunim me një shtet armiqësor, që do të thotë Izraeli dhe agjencia e inteligjencës së huaj Mossad”.

Kështu raportoi enti mediatik vendor “Tasnim”.

Ai ishte me origjinë nga qyteti i Ardabilit, i vendosur në Iranin veriperëndimor.

Gjatë karrierës së tij atletike, përveç ringut, ai punoi edhe si trajner dhe gjyqtar i klasit ndërkombëtar.

Sipas organizatave të të drejtave të njeriut, ai jetoi në Turqi për njëfarë kohe.

Në vitin 2025, gjatë një udhëtimi në Irak, ai u arrestua nga autoritetet vendoree dhe iu dorëzua Teheranit sipas një marrëveshjeje të veçantë dypalëshe midis vendeve.

Gjyqi i atletit shkaktoi kritika të ashpra nga organizatat ndërkombëtare të të drejtave të njeriut.

Veprimtarët e të drejtave të njeriut kanë theksuar se gjyqi u zhvillua në kushte të mungesës së plotë të transparencës, të pandehurit iu mohua e drejta për të zgjedhur lirisht një avokat dhe rrëfimet e tij me shumë gjasa u morën nën presion dhe torturë.

Autoritetet iraniane nuk kanë paraqitur asnjë provë publike për fajësinë e tij.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit