INTERVISTË: BRENDA MISIONEVE SEKRETE TË UKRAINËS KUNDËR RUSISË: INTERVISTË EKSKLUZIVE ME AGJENTIN KRYESOR ME NOFKËN “FILOZOFI”.

Anëtarët e njësisë aktive Shamanbat.

Nga znj. Uliana Bezpalko dhe nga znj. Liliana Oleniak.

Kiev, Ukrainë | Heroi i Ukrainës, një oficer i Inteligjencës së Mbrojtjes së Ukrainës (DIU) me nofkën e thirrjes “Filozof”, tregon për krijimin e Shamanbat-it, Kraken-it, Artan-it dhe njësive të tjera aktive të DIU-it, rolin e tyre gjatë luftës dhe operacionet kundër Rusisë në një intervistë ekskluzive me RBC-Ukrainë.

Duke shkuar në takim me të intervistuarin, nuk kishim asnjë ide se si quhej, si dukej apo se ku do të zhvillohej biseda jonë.

Për shkak të specifikave të punës dhe pozicionit të tij në Inteligjencën e Mbrojtjes të Ukrainës, oficeri me nofkën e thirrjes “Filozof” preferon të mos e tregojë fytyrën e tij në publik.

Ai koordinon punën e njësive të veprimit aktiv të DIU-së.

Filozofi e filloi shërbimin e tij në DIU në detashmentin legjendar të 10-të të veçantë të Forcave Speciale, i cili, atëherë drejtohej nga Heroi i Ukrainës Maksim (Maksym) Shapoval.

Si anëtar i kësaj njësie, ai mori pjesë në operacione luftarake në Ukrainën lindore gjatë Operacionit Antiterrorist/Operacionit të Forcave të Përbashkëta, mbrojti aeroportin e Donetskut, mori Urdhrin për Guxim dhe u gradua në major përpara afatit.

Më pas ai shkoi në misione ndërkombëtare në Afganistan dhe Afrikë, pas të cilëve u kthye në jetën civile për një kohë.

“Kur Kirilo (Kyrylo) Budanov u bë Shefi i Inteligjencës së Mbrojtjes së Ukrainës, ai më ftoi fillimisht të stërvisja disa grupe. Më vonë ato u bënë baza e Shamanbatit”, tha “Filozofi”. Ishte Shamanbati që u bë e para nga njësitë që tani quhen njësi të veprimit aktiv.

Në fillim të pushtimit të plotë rus të Ukrainës, bashkëbiseduesi ynë mori pjesë në betejat në rajonin e Kievit me Shamanbatin.

Ai ishte një nga të parët që mbërriti në aeroportin e Hostomelit, duke koordinuar mbrojtjen dhe çlirimin e mëvonshëm të Irpinit, Moshçunit dhe Hostomelit.

Për këtë, ai mori Urdhrin Bohdan Khmelnitsky dhe titullin Hero i Ukrainës.

Më pas erdhën betejat në Siverodonetsk-ut dhe Bakhmut-it, të ndjekura nga pozicione dhe përgjegjësi të reja.

Kjo është ndoshta intervista e tij e parë e madhe, në të cilën, ai ndan detaje të panjohura më parë të operacioneve të Ukrainës gjatë luftës në shkallë të plotë dhe zbulon sekretet e punës së njësive speciale të inteligjencës ushtarake - njësi veprimi aktiv që punojnë kundër armikut si në territorin e Ukrainës ashtu edhe jashtë saj.

Njësitë e veprimit aktiv të DIU-së: çfarë janë ato dhe si funksionojnë?

“Aktualisht, struktura e Inteligjencës së Mbrojtjes së Ukrainës përfshin pesë njësitë më të njohura, klasike, në detyrë aktive”, shpjegon “Filozofi”.

Këto janë Legjioni Ndërkombëtar, Kraken, Artan, Shamanbat dhe Timur.

DIU-ja filloi krijimin e këtyre njësive në ditët kur u bë e qartë se lufta ishte e pashmangshme dhe se Forcat e Armatosura do të kishin vështirësi të përballonin sfidat e reja të vetme.

Baza e njësive aktuale në detyrë aktive ishte Detashmenti i 10-të i Forcave Speciale të Veçanta i emëruar sipas Gjeneral Major Maksim Shapoval-it.

Oficerët nga kjo njësi më vonë u bënë komandantë të grupeve dhe njësive aktuale në detyrë aktive.

Kishte shumë njerëz iniciativë që donin t'i rezistonin agresionit rus. Kozakët vinin në Kiev nga e gjithë Ukraina dhe duhej të qëndronin nën flamurin e dikujt.

Kur na takuan në pjesë të ndryshme të vijës së frontit - Hostomel, Buça, Irpin, Moshçun - ata vendosën të bashkoheshin me grupin tonë.

“Ata ishin anëtarë të Aidarit, luftëtarë të Azov-it, oficerë policie, ish-ushtarë dhe civilë të zakonshëm - ata mësuan shpejt dhe u bënë edhe oficerë dhe komandantë”, shpjegon “Filozofi”.

Së bashku me Shamanbat-in, qytetarë të vendeve të tjera morën pjesë gjithashtu në mbrojtjen e rajonit të Kievit.

Ky projekt i ri i Inteligjencës Mbrojtëse të Ukrainës (të cilin tani e njohim si Legjioni Ndërkombëtar), ashtu si Shamanbati, luajti një rol të rëndësishëm në çlirimin e rajonit të Kievit.

Sot, Legjioni vazhdon të kryejë misione speciale në pjesë të ndryshme të vijës së frontit.

Ndërsa Shamanbati u krijua gjatë betejës për Kievin, një njësi tjetër, Kraken-i, e cila, është gjithashtu e njohur sot, u krijua në Kharkiv në koordinim me DIU-në.

Ish-ultras të futbollit, veteranë të Azovit dhe civilë të djeshëm, së bashku me oficerët, dhanë një kontribut të madh jo vetëm në mbrojtjen e qytetit, por, edhe në operacionet pasuese për të çliruar rajonin, i cili, tani njihet si kundërsulmi i Kharkivit.

Përafërsisht në të njëjtën kohë, në fillim të pushtimit në shkallë të plotë rus, u krijua njësia Timur.

Pak më vonë, në qershor 2022, u formua njësia Artan.

“Specifikat e punës së njësive të veprimit aktiv janë mjaft të gjera”, shpjegon “Filozofi”.

“Këto përfshijnë operacione mbrojtëse, operacione ofensive, rimarrjen e kontrollit të objekteve individuale, sabotimin (domethënë, shkatërrimin e objekteve ruse) dhe operacionet në prapavijë të thellë.

Krahasuar me formacione të tjera të ngjashme brenda agjencive të inteligjencës së vendeve të tjera, praktika ukrainase është unike në shumë mënyra”, tha “Filozofi”.

“Ata kanë pasur njësi të tilla për një kohë të gjatë. Por ata përpiqen ta mbajnë funksionalitetin e tyre brenda një diapazoni më të ngushtë, domethënë, ata kryejnë detyra specifike, punë sabotimi, etj”, shpjegon “Filozofi”.

Për shembull, Drejtoria Kryesore e Shtabit të Përgjithshëm të Forcave të Armatosura të Federatës Ruse (më parë Drejtoria Kryesore e Inteligjencës ose GRU) është një organizatë serioze që ndikon në situatën jo vetëm në Ukrainë, por edhe në zona të tjera ku vepron Rusia.

Por ata nuk kanë nxitim për të hyrë në fushën e betejës. Dhe kur ata shkuan në vijën e frontit, kishte beteja normale lineare, ata normalisht u derdhën në to dhe u zhdukën prej andej.

“Duke folur për Forcat e Operacioneve Speciale të ShBA-ës dhe Mbretërisë së Bashkuar, funksionaliteti i tyre është shumë më afër njësive të veprimit aktiv të Inteligjencës së Mbrojtjes së Ukrainës sesa Forcave Speciale të Ukrainës”, thotë “Filozofi”.

“Grupet e Forcave tona të Operacioneve Speciale tani po bashkohen me brigadat e Forcave të Armatosura për të kryer detyra të caktuara.

Dhe shpesh, kur mbërrijnë në zonën e operacioneve, brigada i dërgon ata për të rifituar një pozicion të humbur ose për të sulmuar një zbarkim.

Domethënë, grupe njerëzish që janë trajnuar për një kohë të gjatë, që kanë një funksion të ndryshëm, që kanë aftësi të një niveli të ndryshëm, thjesht shkatërrohen në atë zbarkim - ky është një përdorim mjaft joefikas i këtij lloj njësie”, tha ai.

Sipas “Filozofit”, njësitë e veprimit aktiv të DIU-së, ndryshe nga Forcat e Operacioneve Speciale, janë më të pavarura në aftësinë e tyre për të planifikuar operacione dhe për t'i përdorur ato.

Kjo ishte logjika pas krijimit të njësive të tilla në agjencinë e inteligjencës - të kesh informacion dhe të jesh në gjendje të planifikosh dhe zbatosh një operacion.

DIU-ja është në thelb një qendër informacioni për të gjitha Forcat e Mbrojtjes të Ukrainës.

Kur ke të gjithë informacionin rreth armikut, mund të planifikosh masa individuale që mund të ndikojnë në situatën në front. Por planifikimi është një gjë. Të jesh në gjendje ta zbatosh atë është një histori krejtësisht tjetër.

Kështu na lindi ideja se na duheshin mjete për të zbatuar planet tona, dhe kjo është ajo që u bënë njësitë e veprimit aktiv.

Kjo qasje është ruajtur nga DIU-në deri më sot.

Përveç kësaj, kur “Filozofi” u bë koordinator i njësive të veprimit aktiv, ai vendosi të zgjeronte ndjeshëm nivelin e autonomisë së disa prej tyre, në veçanti, Artan, Kraken dhe Shamanbat.

“Ne planifikojmë drejtpërdrejt të gjitha operacionet tona, krijojmë plane vjetore, analizojmë situatën aktuale në fushën e betejës dhe parashikojmë situatën e ardhshme.

Bazuar në këtë, ne përcaktojmë se në cilat zona duhet të vendosen njësitë tona dhe cilat detyra duhet të kryhen atje”, tha “Filozofi”.

Arritjet dhe ndikimi: Pyetja e entit mediatik “RBC-Ukrainë” në lidhje me tre operacionet kryesore të DIU-së ngadalëson ritmin e gjallë të bisedës sonë.

Në fillim, pas një momenti hezitimi, “Filozofi” thotë se është krenar për të gjitha operacionet e kryera nga njësitë e veprimit aktiv.

Megjithatë, kur i kërkohet të veçojë ato që patën ndikimin më të madh në rrjedhën e luftës, ai përmend katër.

E para është Beteja e Kievit.

“Beteja për Kievin është e rëndësishme sepse nëse do ta kishim humbur kryeqytetin, e gjithë mbrojtja dhe përpjekja jonë luftarake do të kishte mbaruar aty. Unë besoj se Inteligjenca e Mbrojtjes e Ukrainës dha një kontribut të paçmuar në mbrojtjen e rajonit të Kievit”, tha ai.

Operacioni i dytë është kundërsulmi i Kharkivit, i cili, nuk është më pak i rëndësishëm, jo ​​vetëm në aspektin ushtarak, por edhe në atë ideologjik.

“Të gjithë e kujtojnë historinë e luftës çlirimtare kombëtare të fillimit të shekullit të njëzetë.

Si bolshevikët formuan një qeveri kukull në Kharkiv që gjoja fliste në emër të njerëzve të zakonshëm e të tjera.

Mendoj se nëse rusët do të kishin arritur ta kapnin Kharkivin, do të kishin bërë të njëjtën gjë përsëri.

Prandaj, ishte jashtëzakonisht e rëndësishme të mos humbisnim këtë qytet.

Dhe Inteligjenca e Mbrojtjes e Ukrainës (në veçanti, njësia Kraken) bëri çdo përpjekje për të siguruar që qyteti të mbijetonte”, tha ai.

E treta është çpushtimi i ishullit Zmini (Zmiinyi). Sipas “Filozofit”, jo të gjithë e kuptojnë rëndësinë e çlirimit të këtij ishulli të vogël dhe ndikimin e tij në luftë.

“Nëse shikoni hartën, mund të shihni se në atë kohë vija e kontrollit rus në Detin e Zi shtrihej përgjatë gjithë bregdetit të Ukrainës, deri në Rumani.

E gjithë zona ujore ishte e mbyllur për ne. Por kur Zmini është ukrainas, ku është ajo vijë e kuqe? Pikërisht - është zhvendosur në Krime.

Rrugët tregtare të sotme, korridori i drithërave - e gjithë kjo ka filluar të funksionojë vetëm sepse Zmini është kthyer në Ukrainë.

Ky është një nivel strategjik detyrash të kryera nga njësitë në detyrë aktive”, tha ai.

Veçmas, ai përmend një operacion tjetër për të cilin kishte informacion shumë të kufizuar në sferën publike - operacioni në Enerhodar në vitin 2022.

Në historinë e “Filozofit”, ai zë një vend të veçantë, si në thelbin e tij ashtu edhe në pasojat e tij strategjike.

Në thelb, ky ishte operacioni i parë në ujë për njësitë në detyrë aktive (një operacion detar sipas klasifikimit amerikan).

“Strategjikisht, falë veprimeve të DIU-së, oficerët e inteligjencës arritën të tërhiqnin një grup rus prej rreth 10000 vetash personel.

Dhe kjo, nga ana tjetër, na lejoi të kryenim operacione serioze ofensive në vjeshtën e vitit 2022 dhe të çlironim një zonë të madhe të territoreve tona, veçanërisht në rajonin e Khersonit.

Në të kohë, ne zgjeruam frontin për rusët, dhe ata urgjentisht duhej të zhvendosnin më shumë trupa atje, gjë që ishte plotësisht e papajtueshme me numrin e njerëzve tanë të përfshirë në këtë operacion.

Ky është një ndryshim dhjetë herë më i madh”, kujton “Filozofi”.

Rreth luftës, ndryshimeve dhe kërcënimeve: “Që nga viti 2022, ushtria ruse ka ndryshuar ndjeshëm”, tha ai.

“Ne të gjithë po evoluojmë. Dhe ushtria ukrainase ka evoluar shumë, dhe ushtria ruse, për fat të keq, gjithashtu”, tha ai.

Ai po flet gjithashtu për përvetësimin e teknologjive dhe taktikave të reja.

Ai shpjegon se në vitin 2022, rusët ishin të sigurt se askush në Ukrainë nuk do të rezistonte, kështu që veprimet e tyre ishin të synuara dhe të thella, që do të thotë se nuk kishte një front të fortë.

Rusia nuk e kuptoi plotësisht se do të duhej të luftonte seriozisht, kështu që pësoi humbje të mëdha.

“Përfundimisht, rusët u detyruan të tërhiqeshin nga Kievi. Pastaj ata ishin fizikisht në një zonë të madhe territori, por nuk kishin as logjistikë dhe as kontroll aktual.

Ata u shpërndanë nëpër Kharkiv. Pastaj Ukraina i shtypi në zonën e Khersonit.

Kur Ura Antonivski u shkatërrua, trupat ruse u prenë nga bregu i majtë. Dhe ata filluan të panikoheshin.

Kur nuk ishin në gjendje të kryenin logjistikë normale, ata humbën kontrollin, iniciativën dhe besimin dhe u tërhoqën”, tha ai.

“Pastaj taktikat e tyre ndryshuan. Rusët filluan të shkatërronin fizikisht qytete, të tilla si Bakhmut-i, me zjarr të rëndë artilerie dhe duke përdorur sulme mish për top - një taktikë që Wagner PMC e përdori në shkallë të gjerë në atë kohë.

Kjo ishte edhe për shkak të mungesës së pajisjeve të rusëve, të cilat, u shkatërruan intensivisht nga dronët ukrainas.

Sot, kur mbërrijnë trupat ruse, ato luftojnë sipas metodës klasike: ato hyjnë me makinë me pajisje, shkarkohen, zënë pozicione kyçe, pastaj mbërrijnë më shumë trupa dhe zënë pozicionet e tjera.

Në këtë kohë, këto kolona janë vazhdimisht në zjarr. Por disa prej tyre arrijnë të kalojnë, arrijnë një masë kritike, na rrëzojnë dhe na shtyjnë prapa”, tha ai.

“Në të njëjtën kohë, ushtria ruse ka shumë njësi që aktualisht po luftojnë në grupe të vogla.

Meqenëse kanë probleme të konsiderueshme me pajisjet, disa prej tyre shkojnë në sulme ndaj ATV-ve, të tjerat në këmbë nëpër pyll.

Kështu përpiqen të ecin përpara çdo ditë. Taktikat e tyre nuk ndryshojnë.

Ata kanë burime njerëzore dhe i përdorin ato, gjëja kryesore është të arrijnë qëllimin e vrasjes së një mijë ushtarëve në një mijë metra.

Por dikush do të zvarritet dhe do të marrë atë pozicion. Këto janë dy taktikat e rusëve sot - me dhe pa përdorimin e pajisjeve.

Megjithatë, ushtria ruse, pavarësisht se çfarë thotë dikush, është mjaft profesionale.

Dhe për fat të keq, ky kërcënim në formën e Rusisë nuk do të zhduket.

Prandaj, megjithëse ushtria ukrainase është bërë gjithashtu dukshëm më e fortë vitet e fundit, zhvillimi i saj do të duhet të vazhdojë edhe pasi të mbarojë lufta.

Vendi ynë ka një qëndrim specifik ndaj Forcave të Armatosura dhe bllokut të pushtetit në përgjithësi.

Lufta erdhi dhe të gjithë e kujtuan se çfarë ishin Forcat e Armatosura.

Kur të mbarojë lufta, do të kemi përsëri shumë probleme të tjera dhe Rusia nuk do të shkojë askund.

Nëse lufta mbaron, duhet ta mbajmë gjallë këtë ide”, tha ai.

Ai përmendi shembullin e finlandezëve, të cilët, luftuan për herë të fundit me Rusinë në vitin 1939.

Megjithatë, ata ende kanë pajisur bunkerë, kanë ndërtuar mbrojtje dhe kanë trajnuar rezervat e tyre.

“Filozofi” sheh një rrezik që pas luftës, axhenda e Ukrainës mund të kalojë në probleme të brendshme, duke harruar kërcënimin e vërtetë.

“Do të na duhet të vazhdojmë të ndërtojmë ushtrinë tonë.

Ne kemi një identitet kombëtar dhe duhet ta ruajmë atë; ne flasim ukrainisht, rusisht, flasim gjuhë të tjera - por të gjithë jemi ukrainas.

Njësitë e veprimit aktiv të krijuara në DIU janë specifike. Detyrat që ato kryejnë nuk janë shumë specifike për DIU-në, por këto njësi ekzistojnë.

Dhe ato duhet të ndërtohen dhe sistematizohen, dhe ato nuk do të lejojnë më kurrë Rusinë ose askënd tjetër të sulmojë vendin tonë dhe të pushtojë diçka.

Kush do të jenë paqeruajtësit më të mirë për ne? Forcat tona të Mbrojtjes”, tha “Filozofi”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit