INDI | KUZHINA ITALIANE U NJOH SI PASURI JOMATERIALE E TRASHËGIMISË BOTËRORE TË NJERËZIMIT (UNESCO).

Dehli i Ri, Indi | Kuzhina italiane hyn në trashëgiminë kulturore jomateriale të njerëzimit. Është kuzhina e parë në botë që njihet në tërësinë e saj.

Vendimi unanim u mor nga Komiteti Ndërqeveritar i UNESCO-s, i cili, u mblodh në Delhin e Ri të Indisë.

Sipas vendimit, kuzhina italiane është një përzierje kulturore dhe sociale e traditave kulinare, një mënyrë për t'u kujdesur për veten dhe të tjerët, për të shprehur dashurinë dhe për të rizbuluar rrënjët kulturore, duke u ofruar komuniteteve një mundësi për të ndarë historinë e tyre dhe për të përshkruar botën përreth tyre.

UNESCO thekson se si gatimi në stilin italian nxit përfshirjen sociale, duke promovuar mirëqenien dhe duke siguruar një kanal për të mësuarit ndërgjeneracional gjatë gjithë jetës, duke forcuar lidhjet, duke inkurajuar ndarjen dhe duke nxitur ndjenjën e përkatësisë.

Për italianët, gatimi është një aktivitet i përbashkët që thekson intimitetin me ushqimin, respektin për përbërësit dhe momentet e ndara rreth tryezës.

Praktika është e rrënjosur në recetat kundër mbeturinave dhe transmetimin e shijeve, aftësive dhe kujtimeve ndër breza.

Si një praktikë shumëgjeneracionale, me role të këmbyeshme në mënyrë të përkryer, gatimi luan një funksion gjithëpërfshirës, ​​duke i lejuar të gjithëve të shijojnë një përvojë individuale, kolektive dhe të vazhdueshme shkëmbimi, duke kapërcyer të gjitha barrierat ndërkulturore dhe ndërgjeneracionale.

Vendimi thekson gjithashtu se si dosja e nominimit, e redaktuar nga juristi Pier Luixhi Petrilo (Luigi Petrillo), demonstron përpjekjet e rëndësishme të bëra nga komunitetet gjatë gjashtëdhjetë viteve të fundit, veçanërisht nga organet kryesore përfaqësuese si revista “La Cucina Italiana”, “Akademia Italiane e Kuzhinës” dhe “Fondacioni Casa Artusi”.

Me regjistrimin e kuzhinës italiane si Vend i Trashëgimisë Botërore të UNESCO-s, Italia mban rekordin botëror për njohje në sektorin agro-ushqimor në përpjesëtim me numrin e përgjithshëm të njohjeve të marra.

Nga 21 traditat e përfshira në Listën e Trashëgimisë Kulturore Jomateriale, nëntë lidhen me agro-ushqimin.

Kuzhina italiane, arti i piceristëve napolitanë, transporti i bagëtive, ndërtimi i mureve me gurë të thatë në bujqësi, kultivimi i hardhisë alberello të rrushit Pantelleria Zibibbo, dieta mesdhetare, gjuetia e tartufit, sistemet tradicionale të ujitjes dhe mbarështimi i kuajve Lipican (Lipizzan).

Tradita italiane ishte midis 60 propozimeve nga 56 vende nën vlerësim.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit