GJYKATA URDHËRON LARGIMIN E HIPOPOTAMËVE NGA KOLUMBIA | KAFSHËT E IMPORTUARA NGA KRIMINELI PABLO ESKOBAR DËMTOJNË MJEDISIN.

Bogotë, Kolumbi | Drejtësia kolumbiane ka urdhëruar masa çrrënjosjeje për të ndaluar rritjen e tufës së hipopotamëve që endet në veri-lindje të vendit, duke pasur parasysh rrezikun për komunitetet dhe mjedisin që paraqet kjo specie, e importuar nga Afrika në vitet 1980 nga tregtari i drogës Pablo Eskobar (Escobar).

Vendimi i marrë nga gjykata administrative e Kundinamarkës (Cundinamarca), pas një padie kolektive, që i kërkon Ministrisë së Mjedisit dhe Zhvillimit të Qëndrueshëm të nxjerrë një rregullore që parashikon masa të tilla si gjuetia e kontrolluar dhe sterilizimi, deri në transferimin e kafshëve, nga Hacienda Nápoles, ish-pasuria e tregtarit të drogës Eskobar, e cila, kishte gjithashtu një kopsht zoologjik privat.

“Vendimi thekson nevojën për të zbatuar masa urgjente dhe efektive për të mbrojtur ekuilibrin ekologjik, pa humbur vëmendjen e detyrimit për të siguruar mirëqenien e hipopotamëve si qenie të ndjeshme”, thanë gjyqtarët.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit