GJENDJEN GËDHENDJE TË NEANDERTALIT NË HRANCË | HAMENDËSOHEN 57 MIJË VJET TË VJETRA.

Paris, Francë | Gdhendjet më të vjetra të Neandertalit të zbuluara në Francë. Ato datojnë më shumë se 57000 vjet më parë dhe u gjetën në një shpellë.

Në një shpellë franceze në Luginën Loire, La Roche-Cotard, janë zbuluar ato që mund të jenë petroglifet më të vjetra të bëra ndonjëherë nga Neandertalët. Këto janë shenja grafike, jo figurative, të cilat janë gjurmuar më shumë se 57 mijë vjet më parë.

Prandaj, La Roche-Cotard mund të jetë shpella më e vjetër e dekoruar në Evropë. Kjo u raportua nga një studim i publikuar në revistën Plos One nga grupi i ekspertëve të udhëhequr nga Jean-Claude Marquet i Universitetit të Tours, në Francë.

Shkencëtarët kanë studiuar formën, hapësirën dhe rregullimin e gdhendjeve dhe kanë arritur në përfundimin se ato janë forma të qëllimshme, të organizuara, që janë krijuar nga dora e njeriut. Ekipi bëri modele 3D duke përdorur fotogrametrinë në mënyrë që të mund të krahasonin shenjat me ato të tjera të bëra nga njeriu.

Datimi i sedimenteve ka bërë të mundur të vërtetohet se akumulimi i tyre çoi në mbylljen totale të shpellës rreth 57000 vjet më parë, duke e bërë atë efektivisht të paarritshme shumë kohë përpara se Homo sapiens të vendosej në rajon.

Nga z. Erton Duka.

© Copyright | Agjencia Telegrafike Vox