FSHATI MANËZ; DURRËS | DANIEL PEPA U ARRESTUA; KONSIDEROHET I PËRFSHIRË NË NGJARJEN KRIMINALE KU MBETËN TË VDEKUR FLORI PALUÇI DHE ARANIT KURTI.

Z. Daniel Pepa

Fshati Manëz, Durrës, Shqipëri | Strukturat vendore të Policisë së Shtetit arrestuan:

1- Z. Daniel Pepa, me moshë 21 vjeç, banues në Manëz.

Ai konsiderohet subjekt i përshirë në ngjarjen ku mbetën të vrarë:

1- Z. Flori Paluçi.

2- Z. Aranit Kurti.

Të arrestuar janë:

1- Z. Ergi Kadiu.

2- Z. Erald Cani.

3- Z. Taulant Beqja.

4- Z. Emirjan Beqja.

I shpallur në kërkim policor është:

1- Z. Gëzim Allçi.

Njoftim | Specialistët për Krimin Kundër Jetës dhe Pronës në Drejtorinë Vendore të Policisë Durrës arrestuan shtetasin D. P., 21 vjeç, banues në fshatin Manëz, Njësia Manëz, Durrës.

Arrestimi i tij u krye në zbatim të urdhrit të datës 14.11.2025, të Prokurorisë pranë Gjykatës së Shkallës së Parë të Juridiksionit të Përgjithshëm Durrës, për ekzekutimin e vendimit penal nr. 622/1, datë 13.11.2025, të Gjykatës së Shkallës së Parë të Juridiksionit të Përgjithshëm Durrës, e cila ka caktuar masën e sigurimit “Arrest në burg” ndaj këtij shtetasi, si person i dyshuar për kryerjen e veprave penale “Vrasja me dashje”, “Mbajtja pa leje dhe prodhimi i armëve, i armëve shpërthyese dhe municioneve”.

Këto veprime lidhen me ngjarjen e ndodhur më datë 22.10.2025, ku janë vrarë shtetasit F. P. dhe A. K., në Manëz, Durrës, ngjarje në të cilën ky shtetas rezulton i implikuar, i dyshuar si autor, thuhet shkurtimisht në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit