FRANCË: KIRURGU PEDOFIL JOEL LE SCOUARNEC ME MOSHË 74 VJEÇ U DËNUA ME 20 VJET BURG I AKUZUAR PËR ABUZIM SEKSUAL ME 299 PERSONA (SHUMICA TË MITUR).

Paris, Francë | Ish-kirurgu pedofil Joel Le Scouarnec, me moshë 74 vjeç, u dënua nga sistemi francez i drejtësisë penale me njëzet vjet burg për përdhunimin dhe dhunën seksuale të kryer ndaj 299 personave, shumica dërrmuese e të cilëve ishin të mitur në kohën e krimit, midis viteve 1989 dhe 2014.

Vendimi u dha sot, pas tre muajsh seancash dëgjimore para gjykatës penale të Morbihan-it.

Z. Le Scouarnec u shpall gjithashtu përgjegjës për vdekjen e dy viktimave, njëra nga mbidoza dhe tjetra nga vetëvrasja.

“Nuk kërkoj asnjë butësi nga gjykata. Thjesht njihni të drejtën time për t'u bërë më i mirë dhe për të rifituar atë pjesë të njerëzimit që më ka munguar kaq shumë”, deklaroi i pandehuri të hënën e kaluar, në fjalën e tij të fundit në gjyqin që filloi më 24 shkurt.

“Prandaj, z. Le Scouarnec u dënua me dënimin maksimal prej njëzet vjetësh burgim, për shkak të rëndësisë së veçantë të akteve të kryera, si në aspektin e numrit të viktimave, moshës së tyre të re dhe natyrës së tyre kompulsive”, deklaroi gjykata penale.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit