FILLOI GJYQI PENAL NDAJ HAJDUTIT QË VODHI TUALETIN E ARTË TË TITULLUAR “AMERICA” | I PANDEHURI E KISHTE PËRDORUR PËR TË SHIJUAR NDJESINË E PËRMJERRJES MBI AR 18 KARAT.

Londër, Britani e Madhe | Njeriu i akuzuar për vjedhjen e tualetit ikonik të artë të artistit konceptual Maurico Ketelan (Maurizio Cattelan) nga Pallati Blenheim në Udstok (Woodstock), Oksfërdshaiër (Oxfordshire), në Mbretërinë e Bashkuar, kishte vizituar vendin përpara tualetit të tij luksoz, ka zbuluar gjyqi i tij në Oksfëurd Kraun Kort (Oxford Crown Court).

Vepra, e cila, nuk konsiderohej as vepër arti dhe as objekt i çmuar, u zhduk gjatë natës mes 13 dhe 14 shtatorit të vitit 2019.

I akuzuari Majkll Xhëuns (Michael Jones) ka mohuar gjithmonë të gjitha akuzat penale.

Bashkë me të do të gjykohen edhe dy të rinjtë e tjerë, Fred Doe dhe Bora Guccuk, të akuzuar për marrjen e mallrave të vjedhura.

Krijimi plotësisht funksional prej ari 18 karatësh, ishte pjesë e një ekspozite të prezantuar në lokacionin britanik dhe ishte i siguruar për 4.8 milionë paund, (rreth 6 milionë dollarë).

Në telefonin e tij mund të gjeni fotografi të kryeveprës dhe madje edhe një selfie të tij duke e përdorur atë.

Gjatë marrjes në pyetje, burri e përshkroi këtë përvojë si të shkëlqyer.

Tualeti i titulluar “America” ​​(2016), i ekspozuar fillimisht në Muzeun Guggenheim në Nju Jork, në fakt mund të përdorej si një tualet normal dhe kishte për qëllim të vinte në dyshim vlerën që i atribuohej objekteve luksoze dhe konceptit.

Pajisjet e çmuara sanitare, megjithatë, nuk u gjetën kurrë, shpjegoi prokurori publik Julian Christopher, dhe kjo për shkak se ndoshta është çmontuar dhe shitur në pjesë të vogla, përmes disa mbështetësve.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit