FIER | MARJUS BEQIRI U ARRESTUA; TREGTAR DROGE ME PAKICË.

Fier, Shqipëri | Strukturat vendore të Policisë së Shtetit arrestuan:

1- Z. Marjus Beqiri, me moshë 25 vjeç.

Njoftim | Seksioni për Hetimin e Narkotikëve, në bashkëpunim me Komisariatin e Policisë Fier, pas një hetimi disajavor, me metoda speciale, në koordinim me Prokurorinë e Fierit, finalizoi operacionin policor “Shëtitësi”, në kuadër të të cilit u kap dhe u vu në pranga shtetasi M. B., 25 vjeç, banues në Fier.

Gjatë periudhës hetimore u provua se ky shtetas ishte i përfshirë në veprimtaritë kriminale të prodhimit dhe shitjes së lëndës narkotike Cannabis Sativa, në lagje të ndryshme të qytetit të Fierit.

Gjatë kontrollit fizik, 25-vjeçarit iu gjetën 45 doza Cannabisi, të cilat iu sekuestruan bashkë me 1 automjet, 1 motomjet, 2 celularë dhe shuma parash të dyshuara të përfituara nga shitja e lëndës narkotike.

Materialet procedurale iu referuan Prokurorisë së Fierit, për veprime të mëtejshme, thuhet në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit