ENTI MEDIATIK AXIOS: IRANI MUND TË SULMOJË IZRAELIN NGA IRAKU NË DITËT NË VIJIM | SULMI MUND TË NDODHË PARA ZGJEDHJEVE PRESIDENCIALE NË SHBA.

Uashington, Amerikë | Inteligjenca izraelite sugjeron se Irani po përgatitet të sulmojë Izraelin nga territori i Irakut në ditët në vijim.

Kështu shkruan në rrjetin social Iks (X), gazetari i entit mediatik “Axios”, Barak Ravid, duke cituar dy burime izraelite, sipas të cilave, sulmi mund të ndodhë para zgjedhjeve presidenciale në SHBA, të cilat do të mbahen të martën më 5 nëntor 2024.

Më parë, një burim autoritativ në transmetuesin “CNN” kishte pohuar tashmë se autoritetet e Teheranit po përgatisin një përgjigje të dhimbshme dhe përfundimtare ndaj hakmarrjes izraelite të javës së kaluar, me disa sulme në territorin iranian.

“Përgjigja e Iranit ndaj këtij agresioni do të jetë përfundimtare dhe e dhimbshme dhe ka të ngjarë të ndodhë përpara zgjedhjeve presidenciale në SHBA”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit