AVIONI PRIVAT I PABLO ESKOBARIT ËSHTË SHËNDRRUAR NË AIRBNB | NJË MIJË $ NATA.

Bristol, Mbretëria e Bashkuar | Duke kërkuar një përvojë unike në Airbnb? Po sikur të kishim një avion privat që më parë i përkiste bosit më famëkeq të drogës të të gjitha kohërave, Pablo Eskobarit?

Biznesmeni Xhoni Palmër (Johnny Palmer) e ka zhvendosur Boeing 727 në një zonë industriale private në Bristol të Anglisë.

Vizitorët mund të qëndrojnë në aeroplan, i cili, përfshin një vaskë të nxehtë dhe sauna, për deri në 1000 dollarë për natë.

“Ka një lloj loje rolesh, një lloj cosplay-i që po ndodh atje”, tha z. Palmër (Palmer).

Njerëzit e shijojnë atë përvojë dhe e jetojnë atë fantazi për pak kohë, dhe pastaj jetojnë jetën e tyre normale.

Përvoja kontrastuese është në të vërtetë shumë e shëndetshme.

Gjithashtu thuhet se avioni privat ka qenë në pronësi të një princi arab dhe anëtarëve të mafias.

Aeroplani u ndërtua fillimisht në vitin 1968 dhe u transformua në një avion privat në vitin 1981.

Ai u çmontua në vitin 2012.

Ndërkohë që avioni nuk ka më krahë ose motorë, të gjitha elementët e tjerë funksionojnë, dhe pjesa më e madhe e restaurimit elektrik është kryer nga vetë z. Palmër (Palmer).

Avioni privat përfshin dy dhoma gjumi dyshe, si dhe shkallë ajri funksionale, ndriçim, tre tualete, dush, kuzhinë dhe frigorifer.

“Gjithmonë kam dashur të kem një avion privat dhe kjo ishte një mundësi për ta pasur një të tillë”, tha z. Palmër (Palmer).

Ai i investon paratë që Airbnb tërheq për restaurimin e më shumë karakteristikave të aeroplanit.

Kohët e fundit ai ka paraqitur një aplikim për të vendosur një aeroplan të dytë, më të madh, pranë të parit.

“Thjesht mendoj se janë të mirë... Më pëlqejnë aeroplanët. Të gjithë duan një avion privat, apo jo?”, tha ai.

Ai madje ua jep me qira hapësirën falas artistëve vendas që duan të xhirojnë videoklipe muzikore.

Pavarësisht të kaluarës së tij të turpshme - e cila përflitet gjithashtu se përfshin një princ arab dhe anëtarë të mafias - ai tha se është shumë i emocionuar me projektin.

“Më pëlqen që u sjell gëzim njerëzve dhe shumë njerëz kalojnë netë të mrekullueshme atje, fëmijët frymëzohen prej tij. Njerëzit vijnë këtu dhe bëjnë selfie me të”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit