AUSTRI | USHTARËVE DO T’U LEJOHET TË MBAJNË FLOKË TË GJATË.

Vjenë, Austri | “Ushtarët meshkuj në Austri tani do të jenë në gjendje të kenë flokë të gjatë, por ato duhet të jenë të lidhura prapa dhe të mos prekin uniformat e tyre”.

E thënë kjo sipas një vendimi të Gjykatës Kushtetuese të vendit.

Çështja arriti në gjykatën më të lartë pas një padie nga një oficer i cili përballej me gjoba financiare për shkak se refuzonte të priste flokët.

Ministria e Mbrojtjes e kishte justifikuar këtë dënim me domosdoshmërinë e një paraqitjeje uniforme dhe ruajtjeje të rendit.

Gjykata Kushtetuese e hodhi poshtë këtë argument, pasi vetëm ushtarët meshkuj, jo ushtaret femra, i nënshtroheshin masave disiplinore.

Ndalimi që ushtarët të rrisnin flokët e gjata, ndërsa koleget e tyre femra lejoheshin ta bënin këtë, u konsiderua diskriminues.

Sipas një direktive të brendshme të miratuar nga Ministria e Mbrojtjes dhe të zbuluar sot nga agjencia e lajmeve “APA”, të gjithë ushtarët meshkuj dhe femra duhet thjesht të krehin flokët në një mënyrë që nuk kufizon fushën e tyre të shikimit.

Pra, një fund i prerjeve të flokëve rreptësisht të shkurtra dhe të rregullta, megjithëse çdo aksesor duhet të mbetet diskret, si në formë ashtu edhe në ngjyrë dhe flokët e lëshuar nuk duhet të prekin uniformën.

Në rast se flokët janë të gjatë, duhet të lidhen prapa dhe, nëse gjatësia e lejon, të krehen në një topuz në pjesën e prapme të kokës, të lidhen ose të gërshetuar, sqaron direktiva.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit