ASAMBLEJA KOMBËTARE E FRANCËS VOTOI ME 369 VOTA PRO DHE 68 KUNDËR NJË LIGJI TË RI GJITHËPËRFSHIRËS QË SYNON LUFTËN INSTITUCIONALE KUNDËR TRAFIKUT TË ORGANIZUAR TË DROGËS.

Paris, Francë | Asambleja Kombëtare e Francës votoi të martën 369-68 në favor të një ligji të ri gjithëpërfshirës që synon të adresojë rritjen e krimeve të lidhura me drogën.

Ligji i ri do të krijojë një zyrë të specializuar të prokurorit publik të krijuar për të hetuar dhe luftuar krimin e organizuar.

Ligji rishikon një gamë të gjerë reformash që synojnë të adresojnë trafikun e organizuar të drogës.

Fusha e tij përfshin forcimin e dënimeve kundër shkelësve që përdorin të mitur në kryerjen e krimeve të tyre, lejimin e mbylljes së dyqaneve për të luftuar pastrimin e parave, sekuestrimin e aseteve derisa pronarët të mund të provojnë se ato janë fituar ligjërisht, shtrëngimin e kufizimeve dhe mbikëqyrjen rreth porteve dhe avionëve, si dhe krijimin e strategjive të reja për zbatimin e ligjit për të ndjekur penalisht rrjetet e organizuara duke ofruar mbrojtje ligjore dhe duke mbrojtur anonimitetin e informatorëve.

Ligji bazohet kryesisht në një raport të vitit 2024 të publikuar nga Senati me titull: “Një thirrje zgjimi e domosdoshme: Dalja nga kurthi i trafikimit të drogës”

Raporti theksoi një shpërthim në trafikimin e kokainës në mbarë botën, duke e përshkruar Francën si të mbingarkuar nga trafikimi i drogës.

Duke shprehur shqetësim për aftësinë e trafikantëve të drogës për t’u përshtatur me represionin dhe për të diversifikuar metodat e tyre të veprimit raporti argumentoi se qasjet normale të Evropës ndaj zbatimit të ligjit ishin joefektive dhe të vjetruara.

Nga korrupsioni te pastrimi i parave e deri te mungesa e koordinimit, ligji i së martës pasqyron shumë nga prioritetet e raportit të Senatit.

Raporti theksoi alarmin mbi rrjetet e mëdha dhe të sofistikuara të trafikimit të drogës, duke i karakterizuar ato si operatorë ekonomikë që mendojnë në terma biznesi, duke i përshkruar si ultra-kapitalistë që janë të lirë nga kufizimet rregullatore.

Ai i kushtoi vëmendje të veçantë trafikimit të drogës dhe dhunës që ka rënë mbi qytetet e mesme dhe zonat rurale dhe i ka nënshtruar qytetarët ndaj skenave të vërteta lufte.

Ligji u miratua menjëherë pas shqetësimit në rritje në të gjithë Evropën në lidhje me krimin e organizuar të drogës.

Evropa është bërë tregu kryesor i kokainës në botë, ku autoritetet sekuestruan një sasi rekord prej 315 ton metrikë kokainë në vitin 2021.

Në Francë, botimi i raportit të Senatit të vitit 2024 përkoi me një ndjekje të profilit të lartë për trafikantin e drogës Mohamed Amra, i cili, u arratis nga burgu, duke vrarë dy roje gjatë këtij procesi.

Zyra e Kombeve të Bashkuara për Drogën dhe Krimin thekson rolin e kontrabandistëve detarë të Ballkanit që transportojnë drogë nga Amerika Latine.

Raporti ishte krijim dypartiak i Zherom (Jérôme) Durain dhe Etien Blank (Étienne Blanc), senatorë përkatësisht nga blloku socialist dhe ai republikan.

Në mënyrë të ngjashme, ligji i së martës u miratua me mbështetje dërrmuese nga shumica e partive, me vetëm partinë France Unbowed kundër.

Partia France Unbowed shprehu shqetësimin se ligji nuk adresonte shkaqet rrënjësore të tregtisë së drogës.

“Ne ende besojmë se ky projektligj do të jetë, për pjesën më të madhe, joefikas”, tha të martën z. Ugo Bernalikis (Bernalicis), një ligjvënës i partisë France Unbowed, para Asamblesë Kombëtare.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit