7 USHTARË IZRAELITË TË VRARË NË RRIPIN JUGOR TË GAZËS | NJË OPERATIV I HAMASIT U VENDOSI BOMBË NËN AUTOMJETIN E TYRE TË BLINDUAR NË KAN JUNIS (KHAN YUNIS); USHTARËT U DOGJËN TË GJALLË.

Jeruzalem, Izrael | “Të paktën gjashtë ushtarë izraelitë u vranë në një incident të vetëm në Rripin jugor të Gazës”, njoftoi sot ushtria e shtetit hebre.

“Ushtarët ishin të moshës midis 19 dhe 21 vjeç dhe i përkisnin Batalionit të 605-të të Inxhinierisë së Luftimit, përgjegjës për shkatërrimin e infrastrukturës së lëvizjes islamiste palestineze Hamas në Rrip”, tha Forca e Mbrojtjes së Izraelit (IDF) në një deklaratë.

Mediat izraelite raportuan se kishte shtatë viktima, por njëra nuk është identifikuar ende zyrtarisht.

“Sipas një hetimi fillestar të IDF-së, një operativ terrorist palestinez vendosi një bombë në automjetin e blinduar luftarak Puma me të cilin udhëtonin ushtarët në Kan Junis (Khan Yunis).

Shpërthimi i vuri flakën automjetit; përpjekjet për ta shuar atë ishin të pasuksesshme; të gjithë ushtarët në bord vdiqën në flakë”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit