ZVICRA DO TË PËRFAQËSOJË DIPLOMACINË E EKUADORIT NË MEKSIKË: BERNA NDËRMJETËSON NË KONFLIKTIN MES DY VENDEVE.

Bernë, Konfederata e Zvicrës | Zvicra do të përfaqësojë interesat diplomatike të Ekuadorit në Meksikë sipas një marrëveshjeje të nënshkruar sot.

Këtë e bën të ditur Ministria e Jashtme e Ekuadorit në profilin e saj rrjetin social virtual Iks (X).

Dokumenti u nënshkrua nga ambasadorja e Ekuadorit në Bernë, Veronika (Veronica) Bustamante dhe ministri i Jashtëm zviceran, Injacio Kasis (Ignazio Cassis).

Sipas marrëveshjes, Zvicra do të mbrojë interesat diplomatike të Ekuadorit në Meksikë, bazuar në Konventën e Vjenës për Marrëdhëniet Diplomatike.

Për më tepër, ajo do të mbajë shërbimet konsullore për qytetarët ekuadorianë në territorin meksikan.

Zvicra tashmë përfaqëson interesat e Meksikës në Ekuador, në bazë të një marrëveshjeje të nënshkruar më 15 qershor 2024.

Në muajt e fundit, Meksiko Siti (Mexico City) kishte ndërprerë marrëdhëniet diplomatike me Ekuadorin, pasi qeveria e presidentit Daniel Noboa urdhëroi policinë të sulmonte ambasadën meksikane për të arrestuar ish-zëvendëspresidentin Jorge Glas.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit