___.png)
Bremen, Gjermani | Zhurma e tepërt e qytetit rrit rrezikun e sulmit në zemër, veçanërisht tek të rinjtë me faktorë rreziku të ulët tradicional, sipas të dhënave nga dy studime të paraqitura në Kongresin ESC 2024: Studimi Decibel-Mi tregon se pacientët më të rinj 50-vjeçarë që kishin një atak në zemër ishte ekspozuar ndaj niveleve më të larta të zhurmës sesa popullata e përgjithshme.
“Njohja e zhurmës si një faktor rreziku i zemrës mbush një boshllëk kritik dhe thekson nevojën për strategji të shëndetit publik për të reduktuar ndotjen akustike, duke përmirësuar kështu shëndetin kardiovaskular në popullatat e reja”, shpjegon autori kryesor Hatim Kerniss i Grupit Klinik Gesundheit Nord në Bremen.
Studimi Decibel-Mi përfshiu 430 pacientë nën moshën 50 vjeç që jetonin në Bremen, të pranuar në një qendër lokale kardiake për një atak në zemër.
Duke llogaritur nivelet e tyre të ekspozimit ndaj zhurmës nga banesat, studiuesit vëzhguan një incidencë më të lartë të ekspozimit ndaj zhurmës në krahasim me popullsinë e përgjithshme në të njëjtin rajon.
Pacientët me sulm në zemër dhe pa faktorë rreziku tradicional si duhanpirja ose diabeti treguan ekspozim të lartë ndaj zhurmës.
Studimi i dytë, Envi-Mi, vlerësoi ndikimin e ekspozimit ndaj zhurmës mjedisore në prognozë pas një ataku të parë në zemër.
“Në studim, ne gjetëm një lidhje të fortë midis ekspozimit ndaj zhurmës urbane, veçanërisht gjatë natës, dhe një prognoze më të keqe një vit pas sulmit të parë në zemër”, shpjegon autorja Marianne Zeller nga Universiteti i Burgundy dhe Spitali i Dijonit, Francë.
Studimi përfshiu 864 pacientë të shtruar në spital për një atak në zemër. Në ndjekjen njëvjeçare, 19% përjetuan një ngjarje të madhe negative kardiovaskulare.
Nivelet e ekspozimit ditor të zhurmës të matur në adresën e shtëpisë së çdo pacienti (niveli mesatar i zhurmës në decibel të peshuar me A [dB(A)]: 56.0 gjatë 24 orëve dhe 49.0 gjatë natës) u konsideruan të moderuara dhe përfaqësuese të një pjese të madhe të popullsisë së Evropës.
Një rritje prej 25% e rrezikut të ngjarjeve të tjera serioze kardiovaskulare është vërejtur për çdo 10 dB(A) rritje të zhurmës gjatë natës, pavarësisht nga ndotja e ajrit dhe faktorë të tjerë.
“Këto të dhëna ofrojnë disa nga indikacionet e para që ekspozimi ndaj zhurmës mund të ndikojë në prognozën pas një ataku kardiak”, tha autorja Zeller.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments