ZËDHËNËSJA E MINISTRISË SË JASHTME RUSE MARIA ZAKHAROVA: NE DËNOJMË FORCËN E TEPËRT USHTARAKE AMERIKANE NË KARAIBE; NE MBËSHTESIM UDHËHEQJEN E VENEZUELËS.

Moskë, Federata Ruse | “Rusia ka dënuar përdorimin e asaj që e quan forcë të tepruar ushtarake nga Shtetet e Bashkuara në Karaibe gjatë operacioneve kundër drogës”, tha zëdhënësja e Ministrisë së Jashtme ruse, Maria Zakharova.

Agjencia ruse e lajmeve “Tass” e raportoi këtë lajm.

“Ne dënojmë fuqimisht përdorimin e forcës së tepërt ushtarake në operacionet kundër drogës”, tha zëdhënsja Zakharova, duke përsëritur mbështetjen e Moskës për udhëheqjen e Venezuelës në mbrojtjen e sovranitetit kombëtar dhe bëri thirrje që Karaibet dhe Amerika Latine të mbeten zona paqeje.

“Është e nevojshme të iniciohen hapa për uljen e tensioneve dhe të promovohet kërkimi i zgjidhjeve konstruktive për problemet ekzistuese, në përputhje me normat ndërkombëtare”, tha ajo më tej.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit