VLORË | INSPEKTORATI KOMBËTAR I MBROJTJES SË TERRITORIT PO SHEMB OBJEKTE TË NDËRTUARA PA LEJE NË QEPARO + LLOGARA + HIMARË.

Vlorë, Shqipëri | Inspektorati Kombëtar i Mbrojtjes së Territorit (IKMT) po vazhdon aksionin kundër ndërtimeve pa leje në bregdet duke shembur disa objekte në zonat e Qeparosë, Llogarasë dhe Himarës.

Në zonën e Llogarasë, pjesë e Njësisë Administrative Orikum, u prish një objekt pa leje me sipërfaqe 53 metra katrorë, njëkatësh, i ndërtuar me muraturë dhe i mbuluar me soletë.

Objekti ishte skualifikuar më herët nga Agjencia Shtetërore e Kadastrës.

Në plazhin e Filikurit në Bashkinë Himarë u shemb një objekt me mur guri dhe betoni, me gjatësi 290 metra dhe lartësi 2 metra.

Në Qeparo, u shemb një objekt dykatësh me konstruksion betonarme dhe metalik i ndërtuar pa leje me sipërfaqe prej 264 metrash katrorë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit